آئی سی سی ٹی 20 ورلڈ کپ کے 13ویں میچ میں کینیڈا نے آئرلینڈ کو 12 رنز سے شکست دے دی۔
نیویارک میں کھیلے گئے میچ میں کینیڈا کی جانب سے دیے گئے 138 رنز کے تعاقب میں آئرش ٹیم مقررہ اوورز میں 7 وکٹوں کے نقصان پر 125 رنز بناسکی، کینیڈا نے ورلڈ کپ کی تاریخ میں پہلی فتح حاصل کی ہے۔
آئر لینڈ کی جانب سے مارک ایڈیئر 34 رنز بنا کر نمایاں رہے۔ اینڈی بیلبرنی 17، لورکن ٹکر 10، کپتان پال اسٹرلنگ 9، ہیری ٹیکٹر 7، کرٹس کیمفر 4 اور گیریتھ ڈیلنے 3 رنز بنا کر آؤٹ ہوئے۔
View this post on Instagram
جورج ڈاکریل 30 اور بیری مک کارتھی 2 رنز بنا کر ناٹ آؤٹ پویلین لوٹے۔
کینیڈا کی جانب سے جیرمی گورڈن اور ڈِلن ہیلیگر نے 2، 2 جبکہ کپتان سعد بن ظفر اور جنید صدیقی نے 1، 1 وکٹ حاصل کی۔
View this post on Instagram
نکولس کرتن نے 49 رنز کی ذمہ دارانہ اننگز کھیلنے پر میچ کا بہترین کھلاڑی قرار دیا گیا، شریاس مووائے 36 رنز کے ساتھ نمایاں رہے۔
View this post on Instagram
آئرلینڈ کی جانب سے بیری مک کارتھی اور کریگ ینگ نے دو، دو وکٹیں حاصل کیں، گیرتھ ڈیلانے اور مارک اڈائر، ایک، ایک وکٹ حاصل کرسکے۔
اس سے قبل گروپ اے کے میچ میں آئرلینڈ کے کپتان پال اسٹرلنگ نے ٹاس جیت کر سعد بن ظفر الیون کو پہلے بیٹنگ کی دعوت دی ہے۔
آئرلینڈ اور کینیڈا ایونٹ میں اپنا دوسرا میچ کھیل رہے ہیں۔ آئرلینڈ کو بھارت نے اور کینیڈا کو امریکا نے پہلے میچ میں شکست دی تھی۔
واضح رہے کہ گروپ اے میں امریکا 2 میچز میں کامیابی کے ساتھ پہلے نمبر پرموجود ہے جبکہ بھارت ایک میچ جیت کر دوسرے نمبر پر ہے۔
یاد رہے کہ امریکا نے پاکستان کو سپر اوور میں اپ سیٹ شکست دی تھی، قومی ٹیم 9 جون کو اپنا دوسرا میچ روایتی حریف بھارت سے کھیلے گی۔
