بھارت نے جنوبی افریقہ کو 7 رنز سے شکست دے کر دوسری مرتبہ ٹی 20 ورلڈ کپ کا ٹائٹل اپنے نام کرلیا، ویرات کوہلی کو میچ کا بہترین کھلاڑی قرار دیا گیا۔
بارباڈوس میں کھیلے گئے ٹی 20 ورلڈ کپ کے فائنل میں بھارت کی جانب سے دیے گئے 177 رنز کے تعاقب میں جنوبی افریقہ کی ٹیم 8 وکٹوں کے نقصان پر 169 رنز بناسکی۔
View this post on Instagram
ہینرک کلاسن کی 52 رنز کی اننگز رائیگاں گئی، کوئنٹن ڈی کاک 39 رنز بنا کر نمایاں رہے، ڈیوڈ ملر 21 رنز بنا کر آؤٹ ہوئے۔
کپتان ایڈن مارکرم اور ریزا ہینڈرکس 4، 4 رنز بنا کر پویلین لوٹ گئے۔
View this post on Instagram
بھارت کی جانب سے ہاردک پانڈیا نے تین کھلاڑیوں کو پویلین کی راہ دکھائی، ارشدیپ سنگھ اور جسپریت بمراہ نے دو، دو وکٹیں حاصل کیں۔
View this post on Instagram
بھارت نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 176 رنز بنائے تھے اور جنوبی افریقہ کو جیت کے لیے 177 رنز کا ہدف دیا تھا۔
ویرات کوہلی نے 59 گیندوں پر 76 رنز کی شاندار اننگز کھیلی، ان کی اننگز میں 6 چوکے اور دو چھکے شامل تھے، اکشر پٹیل 47 رنز کے ساتھ نمایاں رہے۔
View this post on Instagram
شیوم دوبے 27 رنز بنا کر آؤٹ ہوئے، کپتان روہت شرما 9 رنز بنا کر پویلین لوٹ گئے، رشبھ پنت بغیر کوئی رن بنائے آؤٹ ہوئے، سوریا کمار یادیو 3 رنز پر ربادا کا نشانہ بنے۔
View this post on Instagram
رویندرا جڈیجا 2 رنز بنا کر نورکیانے کو وکٹ دے بیٹھے، ہاردک پانڈیا 5 رنز کے ساتھ ناٹ آؤٹ رہے۔
View this post on Instagram
جنوبی افریقہ کی جانب سے کیشو مہاراج اور اینرک نورکیانے نے دو، دو وکٹیں حاصل کیں، مارکو جینسن اور کگیسو ربادا ایک، ایک وکٹ حاصل کرسکے۔
View this post on Instagram
اس سے قبل بھارتی کپتان روہت شرما نے ٹاس جیت کر ایڈن مارکرم الیون کو پہلے بولنگ کی دعوت دی تھی۔
روہت شرما کا کہنا تھا کہ ٹیم میں کوئی تبدیلی نہیں کی گئی ہے، پچ دیکھنے میں اچھی لگ رہی ہے، یہاں ایک میچ کھیل چکے ہیں، کنڈیشن کا اندازہ ہے، ٹیم کو یہی پیغام ہے اچھی کرکٹ کھیلیں، امید ہے زبردست مقابلہ ہوگا۔
View this post on Instagram
جنوبی افریقی کپتان ایڈن مارکرم نے کہا کہ ٹاس جیتتے تو ہم بھی بیٹنگ ہی کرتے، پوری ٹیم پراعتماد ہے کہ ٹرافی جیتیں گے۔
ایڈن مارکرم کا کہنا تھا کہ ٹیم میں کوئی تبدیلی نہیں کی گئی ہے کوشش کریں بہترین کھیل پیش کریں۔
واضح رہے کہ جنوبی افریقہ نے افغانستان کو شکست دے کر فائنل میں رسائی حاصل کی جبکہ بھارتی ٹیم انگلینڈ کو شکست دے کر فائنل میں پہنچی ہے۔
