The news is by your side.

میلبرن: پاک انگلینڈ فائنل سے قبل بادل برس گئے

انٹرنیشنل کرکٹ کونسل (آئی سی سی) ٹی 20 ورلڈ کپ کا فائنل معرکہ کل بروز اتوار پاکستان اور انگلینڈ کے مابین کھیلا جائے گا۔

اے آر وائی نیوز کے مطابق ٹی 20 ورلڈ کپ فائنل سے پہلے میلبرن میں بادلوں نے انٹری دے دی  اور تیز بارش کا سلسلہ شروع ہوگیا ہے۔

آسٹریلوی محکمہ موسمیات کا کہنا ہے کہ اتوار کی صبح بارش ہوگی دوپہر کے بعد بادل چھٹ سکتے ہیں۔

محکمہ موسمیات کا کہنا ہے کہ بارش زیادہ سے زیادہ بیس ملی میٹر ہوسکتی ہے فائنل مقامی وقت کے مطابق شام سات بجے کھیلا جائے گا۔

واضح رہے کہ بارش کی پیشگوئی پر آئی سی سی ایونٹ ٹیکنیکل کمیٹی نے قوانین میں تبدیلی کردی ہے۔

ورلڈ کپ کا فائنل فیصلہ کن بنانے کے لیے پلیئنگ کنڈیشنز میں تبدیلی کی گئی ہے اتوار کو بارش کی صورت میں میچ ادھورا رہ جائے تو میچ اگلے روز یعنی پیر کو مکمل کیا جائے گا۔

مزید پڑھیں: بارش کی پیشگوئی، میچ کے قوانین میں تبدیلی

ریزرو ڈے والے روز یعنی پیر کو بھی میچ کا نتیجہ نہ آنے کی صورت میں کھیل کا اضافی دورانیہ 2 گھنٹوں سے بڑھا کر 4 گھنٹے کر دیا گیا ہے۔

آئی سی سی کا کہنا ہے کہ پوری کوشش ہوگی کہ میچ اتوار کو ہی مکمل ہو جائے بارش کی صورت میں اگلے روز یعنی ریزرو ڈے پر مقابلہ 3 بجے شروع کیا جائے گا۔

Comments

یہ بھی پڑھیں