ٹی 20 ورلڈ کپ کے پہلے سیمی فائنل میں جنوبی افریقہ، افغانستان کو کچل کر پہلی بار آئی سی سی ٹورنامنٹ کے فائنل میں پہنچی جس پر سابق پروٹیز کرکٹرز بھی خوشی سے نہال ہیں۔
ٹی ٹوئنٹی ورلڈ کپ کا پہلا سیمی فائنل چوکر کے نام سے مشہور جنوبی افریقہ نے افغانستان کو نو وکٹوں سے با آسانی شکست دے کر جیت لیا، جس کے ساتھ ہی جہاں افغان ٹیم کا فائنل کھیلنے کا خواب چکنا چور ہوگیا وہیں پروٹیز کے پہلی بار کسی آئی سی سی ٹورنامنٹ کے فائنل میں پہنچنے پر سابق جنوبی افریقی کرکٹرز خوشی سے نہال ہوگئے اور انہوں نے پہلی ورلڈ کپ ٹرافی جیتنے کے سپنے آنکھوں میں سجا لیے۔
جنوبی افریقہ کی فتح کے بعد سابق پروٹیز کپتان گریم اسمتھ اور سابق فاسٹ بولر ڈیل اسٹین نے سماجی رابطوں کی ویب سائٹ ایکس پر پوسٹ میں اس حوالے سے خیالات کا اظہار کیا ہے۔
گریم اسمتھ نے اپنی پوسٹ میں کہا جنوبی افریقہ کے سیمی فائنل جیتنے پر کپتان مارکرم کو مخاطب کرتے ہوئے لکھا کہ مارکرم اور ٹیم ارکان، میں صرف اس فتح پر خوش نہیں ہوسکتا ہے بلکہ تم نے ایک اور میچ (فائنل) جیتنا ہے۔
Couldn’t be happier for @AidzMarkram and the team, one more to go.
— Graeme Smith (@GraemeSmith49) June 27, 2024
سابق جنوبی افریقی فاسٹ بولر ڈیل اسٹین جو آج اپنی 41 ویں سالگرہ بھی منا رہے ہیں۔ انہوں نے ایک پر اپنے اکاؤنٹ سے پوسٹ کی جس میں لکھا کہ ’’ہم فائنل میں پہنچ گئے، یہ ایک جذباتی لمحہ ہے۔‘‘
It’s emotional down here.
We’re into a final— Dale Steyn (@DaleSteyn62) June 27, 2024
جنوبی افریقہ کے فائنل میں پہنچنے پر سوشل میڈیا پر شائقین کرکٹ کی جانب سے بھی کئی پوسٹ کی گئی ہیں جس میں پروٹیز کی کارکردگی کو بھی سراہا گیا ہے۔
Best birthday gift to the Greatest!!! pic.twitter.com/XLnyKaBCCq
— AnishCSK (@TheAnishh) June 27, 2024
ایک صارف نے ڈیل اسٹین کی تصویر کے ساتھ لکھا کہ جنوبی افریقہ ٹیم نے فاسٹ بولر کو ان کی سالگرہ پر سیمی فائنل جیت کر بہترین تحفہ دیا ہے۔
Aiden Markram is born leader. Everyone call chokers to South Africa but he has already won some important trophies under his Captaincy. .
– Won the U-19 World Cup 2014.
– Won the SA20 in 2023.
– Won the SA20 in 2024.
– Qualified into the Final in T20I World Cup 2024*.AIDEN…
— Satya Prakash (@_SatyaPrakash08) June 27, 2024
ایک اور صارف نے لکھا کہ مارکرم ایک پیدائشی لیڈر ہے اور ساتھ ہی ان کی قیادت میں جنوبی افریقہ ٹیم کی اہم کامیابیوں کا ریکارڈ پیش کیا ہے۔
