The news is by your side.

ٹی 20 ورلڈ کپ، نیوزی لینڈ کا آئرلینڈ کو 186 رنز کا ہدف

آسٹریلیا میں جاری ٹی 20 ورلڈ کپ کے سپر 12 مرحلے میں نیوزی لینڈ نے آئرلینڈ کو جیت کے لیے 186 رنز کا ہدف دے دیا ہے۔

آسٹریلیا میں جاری ٹی ٹوئنٹی ورلڈ کپ کا سپر 12 مرحلہ اختتامی مرحلے میں ہے، ایڈیلیڈ میں کھیلے جا رہے میچ میں آئرلینڈ نے ٹاس جیت کر فیلڈنگ کا فیصلہ کیا، کیوی ٹیم نے مقررہ 20 اوورز 6 وکٹوں کے نقصان پر 185 رنز بنائے ہیں۔

نیوزی لینڈ کی جانب سے کپتان کین ولیمسن نے نصف سنچری اسکور کی اور تین چھکوں، پانچ چوکوں کی مدد سے 61 رنز بنا کر آؤٹ ہوئے، ڈیرل مچل نے ناقابل شکست 31 رنز بنائے جب کہ فن ایلن 32 اور ڈیون کانوے 28 رنز بنا کر نمایاں رہے۔

آئرلینڈ کی جانب جوش لٹل سب سے کامیاب بولر رہے جنہوں نے 22 رنز دے کر 3 کھلاڑیوں کو آؤٹ کیا، گریتھ ڈیلینی نے دو جب کہ ایک وکٹ حاصل کی، سب سے مہنگے بولر میک کارتھی ثابت ہوئے جنہوں نے بغیر کوئی وکٹ لیے مخالف ٹیم کو 46 رنز دے دیے۔

گروپ ون میں نیوزی لینڈ، آسٹریلیا اور انگلینڈ بالترتیب پہلے دوسرے اور تیسرے نمبر پر ہیں کیوی ٹیم میچ جیت کر فائنل فور میں جانے والی پہلی ٹیم بن سکتی ہے۔

Comments

یہ بھی پڑھیں