ٹی20 ورلڈ کپ میں بھارت کے خلاف ٹی ٹوئنٹی کے اہم میچ کے لیے پاکستان کی ممکنہ پلیئنگ الیون میں کون کون شامل ہوگا۔
پاکستان کرکٹ ٹیم آج نیویارک کی ناساؤ کاؤنٹ کرکٹ اسٹیڈیم میں بھارت کے خلاف ٹی ٹوئنٹی ورلڈ کپ 2024 کے 19ویں میچ میں مدمقابل ہو گی۔ ٹاس شام 7:00 بجے (PST) پر ہوگا اور میچ شام 7:30 بجے (PST) پر شروع ہوگا۔
ذرائع کے مطابق پاکستان نے روایتی حریف بھارت کے خلاف زیادہ دفاعی حکمت عملی اپنانے کے لیے اپنی پلیئنگ الیون میں تبدیلی کا فیصلہ کیا ہے، آل راؤنڈر عماد وسیم، جو حال ہی میں انجری سے صحت یاب ہوئے ہیں، وکٹ کیپر بلے باز اعظم خان کی جگہ کھیل سکتے ہیں۔
ذرائع کے مطابق پاکستان ٹیم ممکنہ طور پر بھارت کے خلاف چار فاسٹ بولرز ، دو آل راؤنڈرز، اسپنرز کیساتھ میدان میں اترے گی، پاکستان کے لیے متوقع باؤلنگ لائن اپ میں شاہین آفریدی، محمد عامر، حارث رؤف اور نسیم شاہ جیسے کھلاڑی شامل ہیں۔
ذرائع کے مطابق بھارت کے خلاف پاکستان کی اننگز کا آغاز کپتان بابر اعظم اور وکٹ کیپر محمد رضوان ہی کریں گے۔
ممکنہ پلیئنگ الیون:
کپتان بابر اعظم، محمد رضوان، عثمان خان، فخر زمان، افتخار احمد، شاداب خان، عماد وسیم، شاہین آفریدی، حارث رؤف، محمد عامر، نسیم شاہ
