The news is by your side.

ٹی 20 ورلڈ کپ: پاکستان اور جنوبی افریقہ میچ میں ہونے والی بارش رک گئی، میچ دوبارہ شروع

سڈنی: آسٹریلیا میں جاری ٹی ٹوئنٹی ورلڈ کپ میں پاکستان اور جنوبی افریقہ کا میچ میں ہونے والی بارش روک گئی، جس کے بعد میچ دوبارہ شروع ہوگیا۔

تفصیلات کے مطابق سڈنی کرکٹ گراؤنڈ میں قومی کپتان بابر اعظم نے ٹاس جیتا اور جنوبی افریقہ کو فیلڈنگ کی دعوت دی، قومی ٹیم نے 20 اوورز میں 9 وکٹ کے نقصان پر 185 رنز بنائے، جس کے بعد جنوبی افریقہ کو جیت کیلئے 186 رنز کا ہدف دیا۔

جنوبی افریقہ نے 186 رنز کے تعاقب میں 9 اوورز میں 4 وکٹوں کے نقصان پر 69 رنز بنائے ، بارش نہ رکی تو پاکستان کو فاتح قرار دیا جائے گا۔

جنوبی افریقہ کے خلاف اننگز کے آغاز پر ہی محمد رضوان نے چوکا مارا اور 4 رنز بناکر وین پرنیل کی گیند پر بولڈ ہوگئے, محمد حارث نے 11 گیندوں پر 28 رنز کی دھواں دھار اننگز کھیلی جس میں 3 چھکے اور 2 چوکے شامل تھے۔

  کپتان بابر اعظم 6 رنز بناکر آؤٹ ہوئے، شان مسعود  2 اور محمد نواز 28 رنز بناکر پویلین لوٹے۔

محمد نواز کے آؤٹ ہونے کے بعد افتخار احمد اور شاداب خان کے درمیان بھی اچھی پارٹنرشپ قائم ہوئی۔ اس دوران شاداب خان نے جارحانہ انداز بھی اپنایا۔

شاداب خان 22 گیندوں پر 52 رنز جبکہ افتخار احمد 35 گیندوں پر 51 رنز بناکر آؤٹ ہوئے اس کے بعد حارث رؤف 3 اور محمد وسیم صفر پر آؤٹ ہوئے۔

 پاکستان نے ٹورنامنٹ میں اپنا سفر آگے جاری رکھنا ہے تو اسے میچ میں ہر حال میں بھاری مارجن سے فتح اپنے نام کرنا ہوگی، شکست قومی ٹیم کو ٹورنامنٹ سے باہر کردے گی جب کہ جنوبی افریقہ سیمی فائنل میچ میں پہنچ جائے گا۔

دونوں ٹیموں نے اپنی پلیئنگ لائن اپ میں ایک تبدیلی کی ہے، پاکستانی اسکوڈ میں فخرزمان انجری کے باعث ورلڈ کپ ٹی ٹوئنٹی سے باہر ہوگئے ہیں ان کی جگہ محمد حارث کو اسکوڈ میں شامل کیا گیا ہے، جبکہ جنوبی افریقی ٹیم میں ڈیوڈ ملر کی جگہ ہینرک کلاسن کو شامل کیا گیا ہے۔

آج کے ڈو ایڈ ڈائی میچ میں  پاکستان کی قیادت بابر اعظم اور جنوبی افریقا کی کپتانی ٹیمبا باوما کر رہے ہیں۔

پاکستان پلیئنگ الیون میں کپتان بابر اعظم، محمد رضوان، شان مسعود، محمد حارث، شاداب خان، محمد نواز، افتخار احمد، شاہین شاہ آفریدی، محمد وسیم، حارث رؤف، نسیم شاہ ٹیم میں شامل ہیں۔

ٹاس جیتنے کے بعد بابر اعظم کا کہنا تھا کہ پچ بہت اچھی ہے بڑا اسکور کرنے کی  100 فیصد کوشش کرینگے، ،تمام کھلاڑی پر اعتماد ہیں۔

جنوبی افریقا کے کپتان کا کہنا تھا کہ ٹاس جیتتے تو ہم بھی بیٹنگ کرتے، کوشش کرینگے پاکستان کو کم رنز پر روکیں۔

ٹی ٹوئنٹی ورلڈ کپ میں جنوبی افریقا کی ٹیم اب تک ناقابل شکست ہے جبکہ پاکستان ٹیم گروپ ٹو میں اس وقت پانچویں نمبر پر موجود ہے۔

Comments

یہ بھی پڑھیں