The news is by your side.

پاکستان دنیا کی بہترین ٹیموں میں سے ایک ہے، کیوی بولر

نیوزی لینڈ کے بولر لوکی فرگوسن نے کہا ہے کہ پاکستان دنیا کی اچھی ٹیموں میں سے ایک ہے۔

سیمی فائنل سے پہلے نیوزی لینڈ کرکٹ بورڈ نے سوشل میڈیا پر فاسٹ بولر لوکی فرگوسن کی ایک ویڈیو شیئر کی ہے۔

کیوی بولر نے پاکستانی کرکٹ ٹیم کے حوالے سے بات کرتے ہوئے کہا کہ پاکستان کا یہ ٹورنامنٹ بہت اوپر نیچے رہا ہے، ان کے کئی میچز بہت کلوز رہے ہیں۔

لوکی فرگوسن کا کہنا ہے کہ پاکستان دنیا کی اچھی ٹیموں میں سے ایک ہے، ان کے پاس بہت سے میچ ونر کھلاڑی ہیں، ہمارے لیے اہم یہ ہے کہ اہم پاکستان کے خلاف چیلنج کو انجوائے کریں۔

لوکی فرگوسن کا کہنا ہے کہ ٹورنامنٹ میں ہماری پرفارمنس اچھی رہی ہے، آسٹریلیا اور سری لنکا کے خلاف میچ میں کراؤڈ نے بھی بہت سپورٹ کیا اور سڈنی کا گراؤنڈ بھی بہت بڑا ہے۔

واضح رہے کہ آسٹریلیا میں جاری ٹی ٹوئنٹی ورلڈکپ کا پہلا سیمی فائنل آج پاکستان اور نیوزی لینڈ کی ٹیموں کے درمیان سڈنی میں کھیلا جائے گا۔

Comments

یہ بھی پڑھیں