ٹی 20 ورلڈ کپ کے گروپ میچ میں جنوبی افریقہ نے نیپال کو سنسنی خیز مقابلے کے بعد ایک رنز سے ہرادیا۔
جنوبی افریقہ کے ریزا ہینڈریکس نے 43 رنز کی ذمہ دارانہ اننگز کھیلی، ان کے علاوہ ٹرسٹن اسٹبز نے 27، مارکرم 15 اور ڈی کوک 10 رنز بناسکے، ٹیم کا باقی کھلاڑی کوئی کھلاڑی ڈبل فیگر میں بھی داخل نہ ہوسکا۔
ہدف کے تعاقب میں نیپال کی ٹیم 20 اوورز میں 7 کھلاڑیوں کے نقصان پر 114 رنز اسکور کرسکی۔
نیپال کے آصف شیخ نے 42، انیل کمار 27 اور کوشل بھڑتل نے 13رنز بنائے، باقی کوئی کھلاڑی ڈبل فیگر میں نہیں جاسکا۔
جنوبی افریقہ کی جانب سے تبریز شمسی نے 4 کھلاڑیوں کو پویلین کی راہ دکھائی، جبکہ مارکرم اور اینریچ نورٹجے ایک ایک وکٹ حاصل کرسکے۔
نیپال کی جانب سے کوشل بھڑتل نے 4، ڈیپندرا سنگھ نے 3 کھلاڑیوں کو پویلین کی راہ دکھائی۔
نیپال کے کپتان روہت پاوڈل کا ٹاس کے بعد بات کرتے ہوئے کہنا تھا کہ وہ دوسری اننگز میں اوس کی توقع کر رہے ہیں، اس لیے وہ ہدف کا تعاقب کرنا پسند کریں گے۔
واضح رہے کہ ٹی 20 ورلڈ کپ میں امریکا اور آئرلینڈ کا میچ بارش کی وجہ سے منسوخ ہوگیا جس کے باعث پاکستان کا سفر ورلڈ کپ کے پہلے راؤنڈ میں ہی تمام ہوگیا۔
سپر ایٹ مرحلے کے لیے چار گروپس سے ٹیمیں لائن اپ ہو چکی ہیں۔ بھارت اور امریکا گروپ اے سے کوالیفائی کر چکے ہیں۔
آسٹریلیا اب تک گروپ بی سے کوالیفائی کرچکا ہے جبکہ افغانستان اور ویسٹ انڈیز نے گروپ سی سے ترقی کی ہے۔ جنوبی افریقا نے گروپ ڈی سے کوالیفائی کیا ہے۔
