آئی سی سی مینز ٹی ٹوئنٹی ورلڈ کپ کے 26 ویں میچ میں ویسٹ انڈیز نے نیوزی لینڈ کو 13رنز سے شکست دے دی۔
نیوزی لینڈ نے ویسٹ انڈیز کے خلاف ٹی ٹوئنٹی ورلڈ کپ کے 26 ویں میچ میں ٹاس جیت کر پہلے فیلڈنگ کا فیصلہ کیا۔
ویسٹ انڈیز کی جانب سے اننگز کا آغاز اچھا نہ تھا اور جانسن چارلس بغیر کوئی رن بنائے آؤٹ ہوگئے، شرفین رادرفورڈ نے 39 بالز پر 68 رنز کی ناقابل شکست اننگز کھیلی۔
نیوزی لینڈ کی جانب سے ٹرینٹ بولٹ نے 16 رنز کے عوض 3 وکٹیں حاصل کیں، جبکہ ٹم ساؤتھی اور لوکی فرگوسن نے 2، 2 کھلاڑیوں کو آؤٹ کیا۔
نیوزی لینڈ کی ٹیم ہدف کے تعاقب میں مقررہ 20 اوورز میں 9 وکٹ پر 136 رنز بنا سکی، نیوزی لینڈ کی جانب سے گلین فلپس نے سب سے زیادہ 40 رنز اسکور کیے۔
ٹاروبے میں کھیلے جارہے گروپ سی کے اس میچ میں ویسٹ انڈیز فتح حاصل کرکے سپر ایٹ مرحلے میں پہنچ گئی ہے۔
’’سُپر8 میں کوالیفائی کے باوجود قومی ٹیم میں آپریشن ضروری ہے‘‘
دوسری جانب ایونٹ میں نیوزی لینڈ کا یہ دوسرا میچ ہے، پہلے میچ میں اسے افغانستان کے ہاتھوں اپ سیٹ شکست ہوئی تھی اور اب ویسٹ انڈیز سے شکست کا سامنا کرنا پڑا ہے۔
