ثقافتی سرگرمیوں کے مرکز ’ٹی 2 ایف‘ کے لیے بین الاقوامی اعزاز -
The news is by your side.

Advertisement

ثقافتی سرگرمیوں کے مرکز ’ٹی 2 ایف‘ کے لیے بین الاقوامی اعزاز

کراچی: کراچی میں واقع مشہور سماجی سرگرمیوں کے مرکز ’دی سیکنڈ فلور ۔ ٹی ٹو ایف‘ کو بین الاقوامی پرنس کلاز ایوارڈز سے نوازا گیا ہے۔ ٹی ٹو ایف سبین محمود کا قائم کردہ ہے جنہیں گذشتہ برس قتل کردیا گیا تھا۔

پرنس کلاز ایوارڈ ہر سال معاشروں پر مثبت اثرات مرتب کرنے اور فن و ثقافت کے شعبہ میں نمایاں خدمات سر انجام دینے والے افراد اور اداروں کو دیا جاتا ہے۔ رواں برس فاتحین میں سے ایک پاکستان کا ’دی سیکنڈ فلور ۔ ٹی ٹو ایف‘ بھی شامل ہے جو اپنی سماجی اور فن و ادب کی سرگرمیوں کے لیے مشہور ہے۔

یہ ایوارڈ نیدر لینڈز کے شہزادے کی جانب سے ادارے کی چیئر پرسن اور سبین محمود کی والدہ مہناز محمود کو پیش کیا گیا۔

ٹی ٹو ایف کی ڈائریکٹر ماروی مظہر کے مطابق یہ ٹی ٹو ایف کی پوری ٹیم کے لیے ایک پرمسرت اور پرجوش لمحہ ہے۔ ’لیکن کاش کہ سبین محمود اپنی محنت کو بار آور ہوتا دیکھنے کے لیے خود موجود ہوتیں‘۔

سبین محمود کے قتل کے بعد ڈائریکٹرز کی ایک ٹیم اس ادارے کے انتظامی امور کو دیکھ رہی ہے اور ماروی مظہر ان میں سے ایک ہیں۔

t2f-2

کراچی کے علاقے ڈیفنس میں واقع دی سیکنڈ فلور سنہ 2007 میں قائم کیا گیا تھا اور یہاں فن و ادب کے چاہنے والے، فنکار، طلبہ اور مختلف شعبہ جات کے لوگ آیا کرتے ہیں۔ یہاں کئی علمی و ادبی بحثیں بھی منعقد کی جاتی ہیں۔

t2f-4

t2f-3

سنہ 2015 میں دا سیکنڈ فلور کی ڈائریکٹر سبین محمود کو قتل کردیا گیا۔ ان کے چاہنے والے تاحال ان کے خون ناحق کا انصاف کیے جانے کے منتطر ہیں۔

Comments

comments

یہ بھی پڑھیں