معروف اداکارہ تاپسی پنو کی حال ہی میں ریلیز کی گئی فلم ’دوبارہ‘، جو ہسپانوی فلم ’میراج‘ کی آفیشل ریمیک ہے، فلم بینوں کو متاثر کرنے میں ناکام رہی، پہلے دن فلم کی کمائی صرف 72 لاکھ بھارتی روپے رہی۔
منفرد فلموں میں کام کرنے والی تاپسی پنو کی نئی فلم توقعات پہ پوری نہ اتری، ریلیز کے دوسرے ہفتے تک فلم نے بہت کم کمائی کی اور 5 کروڑ کا ہدف پورا کرنے میں بھی ناکام رہی۔
تاپسی کی فلم 19 اگست کو سینما گھروں میں ریلیز کی گئی تھی اور اسے فلم نقادوں کی جانب سے حوصلہ افزا کمنٹس ملے، تاہم فلم عام لوگوں کو متاثر کرنے میں ناکام رہی۔
بھارتی میڈیا کے مطابق فلم جلد ہی سینما گھروں سے اتار دی جائے گی۔
یہ فلم ہسپانوی مسٹری ڈرامہ فلم ’میراج‘ کا ری میک ہے جو سنہ 2018 میں ریلیز کی گئی تھی، دوبارہ کی ہدایت کاری انوراگ کشپ نے دی ہیں۔
فلم میں ایک بچے کو دکھایا گیا ہے جس نے 25 سال قبل طوفان کے دوران ایک قتل ہوتے دیکھا تھا، اب 25 سال بعد وہی طوفان ایک بار پھر آرہا ہے اور فلم کا مرکزی کردار (تاپسی پنو) کا رابطہ کسی طرح ماضی کے اس بچے سے ہوجاتا ہے۔
فلم کی کہانی اس بچے کی زندگی بچانے اور ماضی و حال کے درمیان سفر کے گرد گھومتی ہے۔
