The news is by your side.

Advertisement

کے الیکٹرک کے سابق سی ای او وزیراعظم کے معاون خصوصی برائے توانائی تعینات

اسلام آباد : کے الیکٹرک کے سابق سی ای او اور چیئرمین تابش گوہر کو وزیراعظم کا معاون خصوصی برائے توانائی تعینات کردیا گیا،تابش گوہر کی تعیناتی اعزازی طور پر کی گئی ہے۔

تفصیلات کے مطابق وزیراعظم عمران خان نے تابش گوہر کو معاون خصوصی برائے توانائی مقرر کر دیا ہے، کابینہ ڈویژن نے تابش گوہر کی تعیناتی کا نوٹیفکیشن جاری کیا۔

کابینہ ڈویژن کی جانب سے جاری نوٹیفیکیشن میں کہا گیا ہے کہ تابش گوہر کو وزیراعظم کا معاون خصوصی برائے پاور مقرر کیا گیا ہے، تابش گوہر کی تعیناتی اعزازی طور پر کی گئی ہے۔


تابش گوہر کے الیکٹرک میں مختلف عہدوں پر خدمات سرانجام دے چکے ہیں، وہ 7 سال تک کے الیکٹرک کے چیئرمین اور سی ای او رہے اور اکتوبر 2015 میں بطور سی ای او، ڈائریکٹر اور چیئرمین کے الیکٹرک ریٹائر ہوئے۔

Comments

یہ بھی پڑھیں