جنوبی افریقی کرکٹ ٹیم کے اسپنر تبریز شمسی نے وکٹ لینے کے بعد اپنے مخصوص جوتا جشن اسٹائل کی وضاحت دے دی۔
ٹوئٹر پر ایک صارف نے کراچی کنگز کے غیر ملکی کھلاڑی تبریز شمسی سے سوال کیا کہ جوتا اٹھا کر جشن منانے کے پیچھے کیا کہانی ہے؟
کراچی کنگز کے تبریز شمسی نے صارف کو جواب دیتے ہوئے کہا ہے کہ جب بولر وکٹ لیتا ہے تو کبھی کبھار امپائر تھرڈ امپائر سے تصدیق کرتا ہے یہ آؤٹ ہے کہ نہیں ہے۔
When the bowler gets a wicket, sometimes the umpire calls the 3rd umpire to find out if its out or not out
Just like that I'm dialing the 3rd umpire to confirm if it's out or not out 😅
Nothing serious… just a bit of fun on the field https://t.co/gx8XoOPRSC
— Tabraiz Shamsi (@shamsi90) February 26, 2023
کراچی کنگز کے اسپنر نے مزید لکھا کہ اسی طرح میں بھی تھرڈ امپائر کو نمبر ملاتا ہوں اور پوچھتا ہوں یہ آؤٹ ہے کہ نہیں۔
ایچ بی ایل پی ایس ایل میں کراچی کنگز کی نمائندگی کرنے والے تبریز شمسی نے کہا کہ ایسی کوئی سنجیدہ بات نہیں ہے، جوتے سے فون ملانا فیلڈ پر ایک تفریح تھی اور کچھ نہیں۔
Cleaned him up! @shamsi90 on a roll 🔥#SabSitarayHumaray l #HBLPSL8 l #KKvMS pic.twitter.com/6B54983u3e
— PakistanSuperLeague (@thePSLt20) February 26, 2023
واضح رہے کہ گزشتہ روز کراچی کنگز نے ملتان سلطانز کو 66 رنز سے شکست دی، کراچی کنگز کی جانب سے شعیب ملک اور تبریز شمسی نے شاندار بولنگ کا مظاہرہ کرتے ہوئے 3، 3 کھلاڑیوں کو آؤٹ کیا۔
