لندن: پاکستانی نژاد مسلم خاتون تفہین شریف برطانیہ کے علاقے ٹیمسائیڈ کی ڈپٹی میئر منتخب ہوگئی ہیں۔
برطانوی میڈیا کی رپورٹ کے مطابق آزاد کشمیر سے تعلق رکھنے والی تفہین شریف انگلینڈ کے علاقے ٹیمسائیڈ سے ڈپٹی میئر منتخب ہونے والی پہلی ایشیائی مسلم خاتون بن گئی ہیں۔
تفہین شریف کا تعلق لیبر پارٹی سے ہے اور 2012 میں کونسلر بھی منتخب ہوچکی ہیں۔
خیال رہے کہ تفہین زمانہ طالب علمی سے ہی سیاست میں حصہ لے رہی ہیں، انہیں سب سے کم عمر نوجوان کونسلر ہونے کا اعزاز بھی حاصل ہے۔
ڈپٹی میئر منتخب ہونے کے بعد تفہین کا کہنا تھا کہ مسئلہ کشمیر کا معاملہ انسانی ہمدردی کا ہے اور اس کے لیے ایک سنجیدہ حل کی ضرورت ہے۔
یہ بھی پڑھیں: غربت میں زندگی گزارتی پاکستانی نژاد خاتون اچانک مالدار بن گئیں
نو منتخب ڈپٹی میئر کا مزید کہنا تھا کہ مسئلہ کشمیر کو کسی صورت نظر انداز نہیں کیا جا سکتا، ہم سب کو اس مسئلے کے حل کے لیے کردار ادا کرنا ہوگا اور میں ہر فورم پر مسئلہ کشمیر پر بات کروں گی۔
The new Civic Mayor of Tameside, Cllr Mike Glover, and Deputy Mayor, Cllr Tafheen Sharif, assumed their duties at Tuesday's full council.
Former mayor Margaret Sidebottom was made an honorary alderman, an honour that was conferred on Brian Wild, another ex-mayor, in March. pic.twitter.com/vpfUxBFi1J
— Tameside Council (@TamesideCouncil) May 27, 2022
