تھمپو : بھوٹان میں کورونا وائرس پر کافی حد تک قابو پالیا گیا، اب تک مجموعی طور پر82 کیسز میں سے 76 مریض صحت یاب ہوچکے ہیں، صحت یاب ہونے کی شرح 90فیصد سے زائد ہے۔
تفصیلات کے مطابق کوویڈ 19 کی وبا 2019 کے آخر میں پھیلی لیکن ایسی علامات موجود ہیں کہ اس کے کچھ مریضوں کو مکمل صحت یاب ہونے میں کافی وقت لگ سکتا ہے۔
بھوٹان حکومت نے بہتر حکمت عملی اور مؤثر اقدامات سے اس عالمی وبا پر کافی حد تک قابو پالیا ہے، بھوٹان میں کورونا وائرس ریکوری ریٹ 90 فیصد سے زائد ہوگیا ہے۔
بھوٹان کی وزارت صحت کی تازہ ترین رپورٹ کے مطابق ملک میں کورونا مثبت ایکٹو مریضوں کی تعداد محض چھ رہ گئی ہے، ملک میں ابھی تک کورونا انفیکشن سے ایک بھی شخص کی موت نہیں ہوئی ہے۔
وزارت صحت کی رپورٹ کے مطابق بھوٹان میں کورونا وائرس کوویڈ19 وبا سے متاثر مجموعی 82 کیسز میں سے 76 مریضوں کے صحت یاب ہونے سے ملک میں کورونا ریکوری شرح 90 فیصد سے زائد ہوگئی ہے جبکہ ملک میں کورونا مثبت ایکٹو مریضوں کی تعداد محض چھ رہ گئی ہے۔
ملک میں ابھی تک کورونا انفیکشن سے ایک بھی شخص کی ہلاکت کی اطلاع موصول نہیں ہوئی ہے بلکہ گزشتہ 24 گھنٹوں کے دوران ملک میں کوئی بھی کورونا پازیٹو کیس نہیں پایا گیا۔
وزارت صحت نے بتایا ہے کہ جمعہ کے روز وسطی ایشیا سے واپس آنے والی دو مہاجر خواتین کی کورونا جانچ کرنے پر ان کی رپورٹ پازیٹو پائی گئی۔
حکومت نے یکم جولائی سے ملک بھر میں دسویں اور بارہویں جماعت کے طلباء کے لئے اسکول، کالجوں اور تعلیمی اداروں کو کھول دیا ہے جبکہ باقی طلباء کی آن لائن کلاسز چل رہی ہے۔
وزارت نے خاص طور پر ملک کے جنوبی حصے میں رہنے والے لوگوں سے محفوط رہنے کے لئے خصوصی احتیاط برتنے، سماجی فاصلہ برقرار رکھنے اور دیگر احتیاطی تدابیر اختیار کرنے کو کہا ہے۔
