نئی حکومت نے اپنے عزم پر عمل کیا، تو پاکستان میں خوش حالی آئے گی: طاہر القادری
The news is by your side.

Advertisement

نئی حکومت نے اپنے عزم پر عمل کیا، تو پاکستان میں خوش حالی آئے گی: طاہر القادری

لاہو: پاکستان عوامی تحریک کے سربراہ ڈاکٹر طاہر القادری نے کہا ہے کہ نئی حکومت نےجس عزم کااظہار کیا، اس پرعمل کیا، تو پاکستان میں خوش حالی آئے گی۔

ان خیالات کا اظہارا نھوں نے یوم آزادی پر جاری پیغام میں کیا۔ ڈاکٹر طاہرالقادری نے اہل پاکستان کو یوم آزادی کی مبارک دی۔

عظیم ملک کے لئےہمیں قائدکےاصولوں پر عمل پیرا ہوناہوگا۔

ڈاکٹر طاہر القادری

ان کا کہنا تھا کہ معاشی بحرانوں کی بڑی وجہ نااہل اوربے ایمان قیادت ہے، قوم نمائندےمنتخب کرےگی توکوئی ملک کونقصان نہیں پہنچاسکےگا۔ْ

ڈاکٹر طاہر القادری کا کہنا تھا کہ آزادی کے پہلے سال پاکستانی ریاست کے پاس تنخواہوں کے بھی پیسےنہ تھے۔ اس کے باوجود اہل اورایمان دار قیادت نے دوسرابجٹ سرپلس دیا۔

انھوں نے کہا کہ قیادت کرپٹ ہوتوکرنسی ڈی ویلیو ہوجاتی ہے، لیکن اگر  ایمان دارہو تو  کرنسی مضبوط ہوتی ہے اور ملک ترقی کرتا ہے۔ 

ڈاکٹر طاہر القادری نے زور دیا کہ عظیم ملک کے لئےہمیں قائدکےاصولوں پر عمل پیرا ہوناہوگا۔


خواہش ہے عمران خان وفاق، کے پی کے ساتھ پنجاب میں بھی حکومت بنائیں، طاہر القادری

یاد رہے کہ چند روز قبل پاکستان عوامی تحریک کے سربراہ نے یہ  خواہش ظاہر کی تھی کہ عمران خان وفاق، کے پی کے ساتھ پنجاب میں بھی حکومت بنائیں۔

انھوں نے  عمران خان اور ان کی جماعت کو شان دارکامیابی پر مبارکباد دیتے ہوئے کہا تھا تاریخ کے کرپٹ ترین ٹولے کی شکست پر قوم مبارکباد کی مستحق ہے۔

Comments

comments

یہ بھی پڑھیں