تائیوان میں 6.3 شدت کے زلزلے کے جھٹکے محسوس کیے گئے، جس کے باعث عمارتیں لرز گئیں۔

بین الاقوامی خبر رساں ادارے کی رپورٹ کے مطابق زلزلے کے جھٹکے تائیوان کے مشرقی شہر ہوالین سے 34 کلومیٹر دور محسوس کئے گئے، جس سے دارالحکومت تائی پے میں عمارتوں کو نقصان پہنچا۔

موسمی انتظامیہ کا اس حوالے سے کہنا ہے کہ مقامی وقت کے مطابق زلزلہ صبح 7 بجکر 35 منٹ پر آیا، زلزلے کی گہرائی 9.7 کلومیٹر (6.02 میل) تھی۔

واضح رہے کہ جزیرے میں گزشتہ 24 گھنٹوں کے دوران یہ دوسرا زلزلہ آیا ہے، اس سے قبل جمعرات کو رات گئے شمال مشرقی ساحل پر5.7 شدت کے زلزلہ آیا تھا۔

فلسطینی صدر محمود عباس کا غزہ پٹی جانے کا اعلان

حکام کے مطابق زلزلے سے فوری طور پر کسی بڑے نقصان کی اطلاعات موصول نہیں ہوئی ہیں۔البتہ عمارتوں میں دراڑیں پڑنے کی اطلاعات سامنے آرہی ہیں۔