The news is by your side.

Advertisement

ایک سال قبل تالاب میں گرنے والا آئی فون واپس کیسے ملا؟

موبائل فون کا کھوجانا نہایت صدمے کی بات ہوسکتی ہے لیکن ایک شخص کی اس وقت خوشی کا ٹھکانہ نہیں رہا جب اسے ایک سال قبل کھویا ہوا اس کا آئی فون واپس صحیح سلامت مل گیا۔

چین نامی مذکورہ تائیوانی شہری گزشتہ برس مارچ میں اپنے آئی فون 11 پرو میکس سے ہاتھ دھو بیٹھا تھا۔

شہری کا کہنا ہے کہ اس نے فون کو ایک واٹر پروف کیس میں ڈال کر گلے میں لٹکایا ہوا تھا لیکن چین ڈھیلی ہونے کے سبب وہ اس وقت گرا جب وہ گھر کے قریب واقع ایک تالاب کے پاس سے گزر رہا تھا۔

آئی فون سیدھا پانی میں جا گرا اور شہری کف افسوس ملتا رہ گیا۔

تاہم ایک سال بعد موسم گرما میں جب تالاب سکڑ گیا اور اس کا پانی پیچھے ہٹا تو آئی فون ظاہر ہوگیا۔ چین کا کہنا ہے کہ وہاں موجود افراد نے فون کو دیکھا اور اس کا نمبر ڈائل کر کے اس کے بارے میں بتایا۔

چین کا کہنا ہے کہ ایک سال تک پانی میں رہنے کے باوجود فون بالکل درست حالت میں کام کر رہا ہے۔ اس کے واٹر پروف کیس نے اسے سال بھر تک بچائے رکھا۔

Comments

یہ بھی پڑھیں