کراچی: پاکستان پیپلزپارٹی کے رہنما تاج حیدر کے گھر چوری کی واردات ہوئی ہے، یہ تین ماہ کے دوران ان گھر میں چوتھی چوری ہے۔
تفصیلات کے مطابق پی پی رہنما تاج حیدر کے گھر چوری کی واردات کی ایف آئی آر تھانہ گزری میں درج کرلی گئی۔
تاج حیدر کا کہنا ہے کہ پارٹی اجلاس سے واپس آیا تو پورا گھر بکھرا ہوا تھا، گھرمیں کوئی خاص چیز موجود نہیں تھی چور کپڑے پھیلا کر چلے گئے۔
انہوں نے بتایا کہ گذشتہ وارداتیں بھی 9 تاریخ کوہوئی تھیں، واقعہ کی اطلاع گزری پولیس کو کردی، جس پر پولیس نے ہرممکن کارروائی کی یقین دہانی کرائی ہے۔
کراچی: پی پی رہنما تاج حیدر کے گھر ایک ماہ میں دوسری چوری
پی پی رہنما کے گھر چوری کے واقعے کا مقدمہ تھانہ گزری میں درج کرلیا گیا۔ ایف آئی آر کے متن میں کہا گیا ہے کہ میں اوراہلیہ صبح 9بجے گھر کو تالا لگا کر نکلے تھے، رات 11بجے اہلیہ کے ہمراہ گھر پہنچا تو کنڈی ٹوٹی اور سامان بکھرا پڑا تھا۔
خیال رہے کہ تاج حیدر کے گھر گذشتہ ماہ اسی دن چوری کی دوسری واردات ہوئی تھی۔
