تاجکستان میں سرکاری طور پر حجاب پر پابندی عائد کردی گئی، پارلیمنٹ نے بل بھی منظور کرلیا۔
بین الاقوامی خبر رساں ادارے کی رپورٹ کے مطابق پارلیمنٹ نے اس حوالے سے بل بھی منظور کرلیا ہے، خلاف ورزی پر بھاری جرمانے عائد کرنے کا فیصلہ کیا گیا ہے۔
واضح رہے کہ تاجکستان میں 98 فیصد آبادی مسلم کمیونٹی سے تعلق رکھتی ہے، حجاب پر پابندی کی خلاف ورزی پر بھاری جرمانوں کا اعلان کیا گیا ہے۔
غیر ملکی میڈیا کا اس حوالے سے کہنا ہے کہ نئے قانون کے تحت حجاب یا دیگر ممنوع مذہبی لباس پہننے والے افراد کو 7920 سومونیس (تقریباً 700 ڈالر) تک جرمانہ کیا جاسکتا ہے۔
حکومتی عہدیداروں اور مذہبی رہنماؤں کو خلاف ورزی کرنے پر 54000 سے 57600 سومونیس (4800 ڈالر) تک جرمانہ کیا جاسکتا ہے۔
اس کے علاوہ ملازمین کو ممنوع لباس پہننے کی اجازت دینے والی کمپنیوں کو 39500 سومونیس (3500 ڈالر) کا جرمانہ کیا جائے گا۔
ممبئی کے کالج نے مسلمان لڑکیوں کے برقع پہننے، حجاب کرنے پر پابندی لگادی
یاد رہے کہ تاجکستان میں گزشتہ کئی سالوں سے حجاب پر غیر اعلانیہ پابندی عائد تھی مگر اس کا باقاعدہ اعلان اب کیا گیا ہے۔
