کراچی: تاجکستان کے سفارت خانے نے قونصلر ویزا سیکشن کا آغاز کر دیا۔
تفصیلات کے مطابق گورنر سندھ کامران ٹیسوری نے تاجکستان کے سفارت خانے میں قونصلر ویزا سیکشن کا افتتاح کر دیا، سفارت خانہ آمد پر ان کا استقبال تاجک سفیر یوسف شریف زادہ اور دیگر سفارتی عملے نے کیا۔
گورنر سندھ نے اس موقع پر کہا کہ قونصلر سیکشن سے عوام کو ویزے کے حصول میں آسانی ہوگی، اور دونوں ممالک میں وفود کے تبادلے اور سیاحت کو فروغ حاصل ہوگا۔
- Advertisement -
گورنر سندھ نے تاجکستانی سفیر کو قونصلر (ویزا) سیکشن کے افتتاح پر مبارک باد دی، اور کہا کہ پاک تاجکستان دو طرفہ تعلقات میں یہ قونصلر سیکشن اہم ثابت ہوگا۔
انھوں نے کہا پاک تاجکستان مل کر خطے کی ترقی و خوش حالی کے لیے پُرعزم ہیں، تاجک سفیر نے بھی اس موقع پر کہا کہ تاجکستان خطے میں پاکستان کی ترقی اور خوش حالی کا خواہش مند ہے۔
