The news is by your side.

Advertisement

تخت بھائی سے لاپتہ ’تین سالہ بچی‘ مردہ حالت میں برآمد

مردان:تخت بھائی سے لاپتہ ہونے والی بچی مردہ حالت میں پائی گئی ہے‘ میت کو پوسٹ مارٹم کے لیے اسپتال منتقل کردیا گیا ہے۔

تفصیلات کےمطابق تخت بھائی کے محلہ میاں محب شاہ سے تین روز قبل لاپتہ ہونے والی تین سالہ معصوم بچی مردہ حالت میں ایک نالی میں پائی گئی ہے۔

پولیس نے معصوم بچی کی میت کو پوسٹ مارٹم کے لیے اسپتال منتقل کردیا ہے‘ ذرائع کا کہنا ہے کہ بچی کے ساتھ مبینہ طور پر زیادتی کی گئی ہے۔

کم سن بچی تین روز قبل اپنے محلے سے لاپتہ ہوئی تھی ۔ اہل خانہ اور اہلِ محلہ انتہائی شدت سے اسے تلاش کررہے تھے۔ تلاش کے لیے بچی کی تصویر کے ساتھ سوشل میڈیا پر محدود مہم بھی چلی تاہم ساری تدبیریں بے سود چلی گئیں۔

پولیس ا س معاملے میں ملوث ملزمان کا سراغ لگانے میں تاحال ناکام ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں