کابل: حامد کرزئی ایئر پورٹ پر امریکی چینوک ہیلی کاپٹرز کے ایک ہینگر میں طالبان کے گشت کی ویڈیو وائرل ہو گئی ہے۔
تفصیلات کے مطابق امریکی فوجیوں کے مکمل انخلا کے بعد طالبان کابل ایئر پورٹ میں داخل ہوئے اور ایئر پورٹ پر قائم امریکی ہیلی کاپٹرز کی ورکشاپ کا معائنہ کیا۔
اس واقعے کی ویڈیو سوشل میڈیا پر تیزی سے وائرل ہوئی، جس میں دیکھا جا سکتا ہے کہ طالبان کا 313 بدری یونٹ ایئر پورٹ پر چینوک ہیلی کاپٹرز کے ہینگر میں داخل ہوا۔
#Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p
— Nabih (@nabihbulos) August 30, 2021
ویڈیو میں دیکھا جا سکتا ہے کہ کئی ہیلی کاپٹرز ہینگر میں موجود ہیں، جب کہ طالبان اہل کار ویڈیو میں ہینگر سے متعلق معلومات دے رہا ہے۔
کابل ایئرپورٹ چھوڑتے ہوئے امریکی فوج کی عجیب و غریب حرکت
واضح رہے کہ امریکی حکام نے دعویٰ کیا ہے کہ امریکی فوجی دستوں نے ایئر پورٹ چھوڑنے سے قبل وہاں موجود قیمتی ساز و سامان کو ناقابل استعمال بنایا تھا، جس میں طیارے، گاڑیاں اور اسلحہ شامل تھا۔
رپورٹ کے مطابق امریکی فوجی دستوں نے 73 طیاروں اور 70 بکتر بند گاڑیوں (MRAP) کو ناکارہ بنایا، امریکی فوجی حکام کے مطابق ناکارہ بنائے گئے طیارے کبھی اڑ نہیں سکیں گے، نہ انھیں کوئی استعمال کر سکے گا۔ حکام کا کہنا ہے کہ جو گاڑیاں ناکارہ بنائی گئی ہیں ان میں سے ہر ایک کی قیمت ایک ملین ڈالر کے لگ بھگ تھی۔
