The news is by your side.

Advertisement

طالبان نے سہیل شاہین کو اقوام متحدہ میں سفیر نامزد کردیا

کابل : افغان طالبان نے ترجمان سہیل شاہین کو اقوام متحدہ میں سفیر نامزد کرتے ہوئے رواں ہفتے جنرل اسمبلی اجلاس سے خطاب کاموقع دینے کا مطالبہ کردیا۔

تفصیلات کے مطابق افغان طالبان نے ترجمان سہیل شاہین کو اقوام متحدہ میں سفیر نامزد کردیا، اس سلسلے میں طالبان کے وزیر خارجہ امیر خان متقی نے اقوام متحدہ کے سیکریٹری جنرل کو خط لکھا ہے۔

جس میں طالبان کے نامزد سفیر کو جنرل اسمبلی اجلاس سے خطاب کا موقع دینے کا مطالبہ کیا ہے، یواین سیکریٹری جنرل انتونیو گوتریس کے ترجمان نے خط ملنے کی تصدیق کردی ہے۔

یواین سیکریٹری جنرل کے ترجمان کا کہنا تھا کہ افغانستان کی اقوام متحدہ کی نشست کے لیے حریف درخواستیں نو رکنی کمیٹی کو بھیجی دی گئی ہے، کمیٹی میں امریکا، چین اور روس سمیت 9 ممالک کے رہنما شامل ہیں، کمیٹی کا پیر سے پہلے اس معاملے پر ملنے کا امکان نہیں ہے ، اس لیےشبہ ہے کہ طالبان کے وزیر خارجہ مولوی امیر خان متقی اقوام متحدہ سے خطاب نہ کر سکیں۔

Comments

یہ بھی پڑھیں