فیصل آباد: پاکستان مسلم لیگ ن کے رہنما طلال چوہدری کا فیصل آباد کے مدینہ ٹاؤن میں بنا غیر قانونی ڈیرہ مسمار کر دیا گیا۔
تفصیلات کے مطابق سابق وزیرِ مملکت نے گھر کے سامنے سرکاری پارک پر قبضہ جما رکھا تھا، ایف ڈی اے نے سرکاری زمین پر بنا ہوا غیر قانونی ڈیرہ گرا دیا۔
[bs-quote quote=”وزیرِ مملکت نے گھر کے سامنے سرکاری پارک پر قبضہ جما رکھا تھا” style=”style-7″ align=”left” color=”#dd3333″][/bs-quote]
دوسری طرف کراچی میں بھی غیر قانونی تعمیرات اور زمینوں پر قبضے کے خلاف آپریشن جاری ہے۔ فیڈرل بی ایریا میں رفاعی پلاٹ پر قائم غیر قانونی شادی ہال مسمار کر دیا گیا ہے۔
کشمیر روڈ پر بھی 4 شادی لانوں کو مسمار کیا جا رہا ہے، آپریشن کے دوران گلشنِ اقبال میں سرکاری اراضی پر قائم دو ہوٹل گرا دیے گئے ہیں۔
کراچی کے علاقے ایمپریس مارکیٹ میں تجاوزات کے خلاف آپریشن پر احتجاج کرتے ہوئے دکان داروں نے ٹینٹ لگا کر دھرنا دیا۔ میئر کراچی وسیم اختر نے کہا ’شہر کو تجاوزات کا گڑھ نہیں بننےدیں گے۔‘
یہ بھی پڑھیں: توہین عدالت کیس: طلال چوہدری کا معافی نامہ مسترد
یاد رہے کہ ایک ماہ قبل سپریم کورٹ نے مسلم لیگ ن کے رہنما طلال چوہدری کی توہین عدالت انٹرا کورٹ اپیل کی سماعت کے دوران ان کا معافی نامہ مسترد کر دیا تھا۔ 2 اگست کو سپریم کورٹ نے طلال چوہدری کو توہینِ عدالت کیس میں پانچ سال کے لیے نا اہل قرار دیا۔ طلال چوہدری نے عدالت میں 2 گھنٹے 5 منٹ قید کی سزا بھی کاٹی۔
