بھارتی اداکارہ تمنا بھاٹیا نے ساؤتھ فلموں کو بالی ووڈ سے بہتر قرار دیتے ہوئے ساؤتھ فلم انڈسٹری کی کامیابی کا راز بتادیا۔
بھارت کی معروف اداکارہ تمنا بھاٹیہ نے ہندی کے ساتھ تامل اور تیلگو فلموں میں بھی کام کیا ہے، حال ہی میں راج شامانی کے پوڈکاسٹ میں شرکت کی جہاں انہوں نے اپنے فلمی کریئر کے حوالے سے بات کی۔
اداکارہ تمنا بھاٹیہ نے کہا کہ بالی ووڈ کی نسبت ساؤتھ فلم انڈسٹری اپنے جغرافیائی محل وقوع کے لحاظ سے کہانیاں پیش کرتی ہیں اور بنیادی انسانی جذبات پر مبنی فلمیں بناتی ہے۔
اداکارہ نے کہا کہ بالی ووڈ کی فلموں اور ساؤتھ میں بننے والی فلموں میں جو خاص فرق دیکھا ہے وہ یہ ہے کہ ساؤتھ کی فلموں میں اپنے جغرافیائی محل وقوع کے لحاظ سے زیادہ بات کی جاتی ہے۔
تمنا نے کہا کہ ساؤتھ فلم انڈسٹری کی فلمیں اس لیے بھی عالمی سطح پر دکھائی جارہی ہیں کیوں کہ وہ اپنے خطے سے جڑی کہانیاں سنانے کی کوشش کرتے ہیں اس وجہ سے ان کی فلمیں کامیاب بھی ہیں۔
تمنّا بھاٹیہ نے اپنی بات جاری رکھتے ہوئے کہا کہ وہ لوگوں میں طبقات کو مدّنظر رکھ کر کام نہیں کرتے بلکہ وہ بنیادی انسانی جذبات جن کا تعلق ماں باپ سے ہوتا ہے، بھائی، بہن سے بدلہ، ایسی کہانیاں جو مختلف فارمیٹس کے ذریعے انسانی جذبات کو بیان کرتی ہیں۔
انہوں نے مزید کہا کہ وہ مختلف قسم کے لوگوں کے بارے میں فلم نہیں بناتے ہیں اور صرف وہی بیان کرنے کی کوشش کرتے ہیں جس کے بارے میں وہ مکمل جانتے ہیں۔
