site
stats
عالمی خبریں

بھارتی ریاستوں تامل ناڈو اور کیرالہ میں سمندری طوفان سے تباہی

نئی دہلی: بھارتی ریاستوں تامل ناڈو اور کیرالہ میں سمندری طوفان اوکھی نے تباہی مچادی۔ مختلف حادثات میں ہلاکتوں کی تعداد 17 ہوگئی۔

غیر ملکی خبر رساں ادارے کے مطابق بھارت کی جنوبی ریاستوں میں طوفان اوکھی نے تباہی مچا دی۔ بارشوں کے باعث تامل ناڈو اور کیرالہ میں متعدد علاقے زیر آب آگئے اور نظام زندگی مفلوج ہوگیا۔

سڑکیں تالاب بن گئیں، بس اور ٹرین سروس متاثر جبکہ کئی پروازیں بھی منسوخ کردی گئیں۔

مزید پڑھیں: مشرق سے مغرب تک تباہ کن سیلاب اور طوفان

طوفان میں 130 کلو میٹر فی گھنٹہ کی رفتار سے ہوائیں چلیں جس کے باعث بھارتی شہر چنئی میں اسکول بند کردیے گئے۔

سمندری طوفان کے باعث کیرالہ میں متعدد ماہی گیر لاپتہ ہو گئے جن کی تلاش کے لیے ریسکیو اہلکاروں کی کوششیں جاری ہیں۔ بھارتی محکمہ موسمیات کے مطابق طوفان کی شدت میں اضافہ ہو رہا ہے۔

دوسری جانب طوفان کے اثرات سری لنکا تک بھی پہنچے جہاں مختلف حادثات میں 7 افراد ہلاک ہوئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top