ٹانک: گرہ بڈھا روڈ پر نامعلوم افراد کی فائرنگ دو افراد قتل کر دیئے گئے ہیں، جاں بحق ہونے والے دونوں بھائی تھے۔
تفصیلات کے مطابق ضلع ٹانک کے تھانہ صدر کی حدود گرہ بڈھا روڈ پر ایک افسوسناک واقعہ پیش آیا ہے، جہان نامعلوم افراد نے 2 بھائی پر حملہ کردیا۔
پولیس کا کہنا ہے کہ فائرنگ سے قتل ہونے والے دونوں بھائیوں کی شناحت ہوگئی ہے، جاں بحق ہونیوالوں میں ولیج ناظم قاری محمد ادریس اور بھائی قاری اسحاق شامل ہے۔
پولیس کا مزید کہنا ہے کہ ریسکیو 1122 نے موقع پر پہنچ کر دونوں لاشوں کو ڈی ایچ کیو اسپتال ٹانک منتقل کردیا ہے جبکہ پولیس نے واقعے کی رپورٹ درج کرکے تفتیش شروع کردی ہے۔
دوسری جانب بلوچستان کے ضلع پنجگور میں بھی فائرنگ واقعہ پیش آیا ہے، ایک شخص کو نامعلوم مسلح افراد نے فائرنگ کرکے شہید کردیا۔
پولیس ذرائع کے مطابق سراوان خدابادان میں واقع نیوان ندی کے قریب نامعلوم مسلح افراد نے فائرنگ کرکے پنجگور خدابادان کے رہائشی ممتاز ولد محمد جان کو قتل کردیا گیا اور فرار ہوگئے۔
رپورٹ کے مطابق ممتاز احمد لیویز سپاہی تھے اور فٹ بال چوک پر ڈیوٹی ختم کرکے گھر جارہے تھے اس دوارن نامعلوم افراد نے ان پر حملہ کیا۔
