روم: اٹلی میں بولوگنا ایئرپورٹ کے قریب دیوہیکل گاڑیوں کے ٹکرانے سے زوردار دھماکا ہوا جس کے نتیجے میں 2 افراد ہلاک اور 70 سے زائد زخمی ہوگئے۔
غیرملکی خبررساں ادارے کے مطابق ہائی وے کے پل میں کئی فٹ چوڑا شگاف پڑ گیا، آگ کے شعلے اور دھوئیں کے بادل دور دور تک دکھائی دئیے، سانحے کے بعد موٹر وے اور قریبی علاقوں کو بند کردیا گیا۔
حکام کے مطابق خوفناک تصادم کے نتیجے میں 2 شخص ہلاک اور 70 سے زائد زخمی ہوئے ہیں جبکہ تیرہ کی حالت نازک بتائی جارہی ہے۔
The impact between the tanker truck and other means on the highway and the subsequent explosion #Bologna #italy #borgoPanigale #esplosione #Bolonia pic.twitter.com/gMNzlIrJQy
— il TAXI di MILANO %🚖 (@SergioSierra67) August 6, 2018
سوشل میڈیا پر دھماکے اور بلند شعلوں کی تصاویر اور ویڈیو وائرل ہوگئیں، جس میں دھماکے کی شدت کا اندازہ لگایا جاسکتا ہے۔
اٹلی پولیس کا کہنا ہے کہ حادثے میں 60 سے 70 لوگ زخمی ہوئے جس میں لوگوں کی اکثریت جھلس گئی ہے، جنہیں فوری طور پر اسپتال منتقل کردیا گیا ہے۔
#BREAKING: Massive explosion and fire near #Bologna Airport, #Italy. Fire seems to have occurred after a truck delivering cars/vans went up in flames. pic.twitter.com/vQvcqXEjr5
— Instant News Alerts (@InstaNewsAlerts) August 6, 2018