The news is by your side.

Advertisement

کراچی سے ایک اور ٹارگٹ کلر گرفتار، متحدہ لندن سے رابطوں کا اعتراف

کراچی : پولیس اور رینجرز نے شاہ فیصل کالونی میں مشترکہ کارروائی کرکے مفرور ٹارگٹ کلر کو گرفتار کرلیا، ملزم نے ایم کیو ایم لندن سے تعلق کا اعتراف کرلیا ہے۔

تفصیلات کے مطابق کراچی کے علاقے شاہ فیصل کالونی میں پولیس اور رینجرز نے خفیہ اطلاع پر کامیاب کارروائی کرکے ٹارگٹ کلر کو حراست میں لے لیا، ملزم خالد کا تعلق ایم کیو ایم لندن سے ہے۔

اس حوالے سے ایس ایس پی کورنگی نے صحافیوں کو بتایا کہ ملزم خالد ایم کیوایم کے یوسی چیئرمین راشد مما کے قتل میں ملوث ہے، راشد مما کو ایم کیو ایم لندن کے کارندے کہکشاں کے کہنے پرقتل کیا گیا تھا، کہکشاں خان اور اس کی ٹیموں میں بینک ٹرانزکشن بھی ہوئی۔

ملزم خالد نے وارداتوں کیلئے کئی ٹارگٹ کلنگ ٹیمیں تشکیل دے رکھی تھیں، وقوعہ کے سی سی ٹی وی کیمرے میں بھی ملزم کی نشاندہی ہوئی، ملزم سے واردات میں استعما ل ہونیوالا سلحہ برآمد کر لیا گیا گیا ہے۔

مزید پڑھیں: ایم کیوایم لندن کا ٹارگٹ کلر را کا ایجنٹ نکلا، دس سال قید کی سزا

ایس ایس پی کورنگی نے مزید بتایا کہ ملزم خالد نے ایم کیو ایم لندن کی قیادت سے مستقل رابطے کا اعتراف بھی کیا ہے، ملزم کو متحدہ لندن کی جانب سے کراچی میں فنڈز اکھٹا کرنے کی ذمہ داری دی گئی تھی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں