کراچی: صوبہ سندھ کے دارالحکومت کراچی میں پولیس کے ہاتھوں گرفتاری کے خوف سے انتہائی مطلوب ٹارگٹ کلر شاہین بہاری نے خودکشی کرلی، ملزم کے ساتھی کو چند روز قبل گرفتار کیا جا چکا تھا۔
تفصیلات کے مطابق کراچی کے علاقے اورنگی ٹاؤن منصور نگر میں پولیس کے ہاتھوں گرفتاری کے خوف سے انتہائی مطلوب ٹارگٹ کلر شاہین بہاری نے خودکشی کرلی، شاہین بہاری نے ساتھی آصف بھایا کے ساتھ پولیس افسر کو شہید کیا تھا۔
شہید اے ایس آئی اکرم خان کی ٹارگٹ کلنگ 28 اگست کو کی گئی تھی، ایس ایس پی ویسٹ سہائی عزیز کی جانب سے ملزم کی تلاش جاری تھی، پولیس مسلسل ملزم کی گرفتاری کے لیے چھاپے مار رہی تھی۔
- Advertisement -
ملزم کے ساتھی آصف بھایا کو چند روز قبل رینجرز اور پولیس نے گرفتار کیا تھا۔
واقعے کی سی سی ٹی وی فوٹیج بھی سامنے آئی ہے جس میں شاہین بہاری کو دیکھا جا سکتا ہے۔
