بنگلا دیش پریمیئر لیگ (بی پی ایل) میں فاسٹ بولر تسکین احمد نے محمد عامر کا چار سال پرانا ریکارڈ توڑ دیا۔
بی پی ایل کا پانچواں میچ دربار راج شاہی اور ڈھاکا کیپٹل کے درمیان کھیلا گیا جس میں فاسٹ بولر تسکین احمد نے یہ اعزاز حاصل کیا۔
29 سالہ فاسٹ بولر نے کیپٹل کے خلاف 4 اوورز میں 19 رنز دے کر 7 کھلاڑیوں کو پویلین کی راہ دکھائی۔
تسکین احمد نے کیپٹل کے دونوں اوپنرز لٹل داس اور تنزید حسان کو پہلے دو اوور میں پویلین کی راہ دکھائی اس کے بعد کپتان انعام الحق کی وکٹ بھی حاصل کی۔
فاسٹ بولر نے دوسرے اسپیل کے 17ویں اوور میں دو مزید وکٹیں حاصل کی جس میں ٹاپ اسکورر شہادت حسین کی وکٹ بھی شامل تھی۔
تسکین احمد نے 7 وکٹیں حاصل کرکے بی پی ایل میں محمد عامر کی شاندار بولنگ کا ریکارڈ بھی توڑ دیا۔
محمد عامر نے 2020 کے بی پی ایل مین کھلنا ٹائیگرز کی نمائندگی کرتے ہوئے سلہٹ رائلز کے خلاف 17 رنز دے کر 6 وکٹیں حاصل کی تھیں۔
علاوہ ازیں تسکین احمد ٹی 20 کرکٹ کی تاریخ میں تیسرے بہترین بولر بن گئے ہیں جنہوں نے 19 رنز دے کر 7 وکٹیں حاصل کی ہیں۔
