لندن : نوازشریف اور مریم نواز پر ارشد شریف کے قتل اور عمران خان پر حملے کی سازش کا الزام عائد کرنے والے ن لیگی ترجمان تسنیم حیدر شاہ کی درخواست پر اسکاٹ لینڈ یارڈ حرکت میں آگیا۔
تفصیلات کے مطابق تسنیم حیدر شاہ کے وکیل کا کہنا ہے کہ اسکاٹ لینڈیارڈ نے اگلے ہفتے گواہان کو طلب کرلیا، اسکاٹ لینڈیارڈ شواہد کا باریک بینی سے جائزہ لے رہا ہے۔
وکیل مہتاب عزیز کے مطابق اسکاٹ لینڈ یارڈ کا تفتیشی آفیسر گواہان کا انٹرویو کرےگا، نوازشریف اور مریم نے تسنیم حیدر کے الزامات پرخاموشی اختیارکررکھی ہے،۔
وکیل کا کہنا ہے کہ تسنیم حیدر کی درخواست پر اسکاٹ لینڈ یارڈ کی کارروائی روکنے کی خبروں میں کوئی صداقت نہیں، ناصربٹ، انجم چوہدری اور زبیرگل نے تسنیم حیدر کے خلاف پولیس کو شکایت درج کرا رکھی ہے۔
تسنیم حیدر شاہ کا کہنا ہے کہ پولیس کی جانب سے ن لیگی کارکنان کی شکایت پر تاحال مجھ سے کوئی رابطہ نہیں کیا گیا۔
