سابق ٹیسٹ کرکٹر توصیف احمد نے چیمپئنز ٹرافی کے لیے ٹیم کی سلیکشن پر تنقید کردی۔
اے آر وائی نیوز کے پروگرام ’اسپورٹس روم‘ میں گفتگو کرتے ہوئے سابق ٹیسٹ کرکٹر توصیف احمد نے کہا کہ انہوں نے ٹیم کا اعلان کرنے میں اتنی دیر لگائی جیسے عید کا چاند ہو، ٹیم میں چار پانچ فاسٹ بولرز کی ضرورت نظر نہیں آرہی لیکن اگر آپ چاہتے تو شاہین، نسیم شاہ، حارث رؤف کے بعد عباس آفریدی کو شامل کرتے۔
انہوں نے کہا کہ میرا تو یہی خیال تھا ابرار تو اسپنرز میں ہوں گے ہی لیکن ساجد خان کو شامل کرلیتے یا پھر سفیان مقیم کو اسکواڈ میں رکھ لیتے۔
توصیف احمد نے کہا کہ چیمپئنز ٹرافی کے لیے دیگر ٹیموں کے اسکواڈ پر نظر ڈالی جائے تو سب نے تین سے چار اسپنرز رکھے ہیں۔
انہوں نے کہا کہ ابھی کہا جارہا ہے کہ اس سے اوپننگ کرالیں گے یا پھر کسی دوسرے سے کروالیں گے ایسا نہیں ہونا چاہیے پراپر اوپنر کو اسکواڈ میں شامل کریں۔
سابق کرکٹر نے کہا کہ اللہ کرے سب اچھا ہوجائے لیکن ٹیمیں ایسے بنتی نہیں ہیں، آپ نے کہا کہ ہر فارمیٹ کی الگ ٹیمیں بنائیں گے مگر یہاں پر ہم دیکھ رہے ہیں کہ ایسا ہو نہیں رہا۔
