اسلام آباد : بجلی اور گیس کے تمام کمرشل صارفین کے لیے ٹیکس گوشوارہ لازمی قرار دے دیا گیا ، کمرشل صارفین کیلئے ایک صفحے پر 4 لائنز کا ٹیکس گوشوارہ تیار کیا جا رہا ہے۔
تفصیلات کے مطابق آئندہ بجٹ میں ٹیکس گوشواروں کی تعداد بڑھانے کی حکمت عملی تیار کرلی گئی ، بجلی اور گیس کے تمام کمرشل صارفین کے لیے گوشوارہ لازمی قرار دے دیئے گئے ہیں۔
ذرائع نے کہا ہے کہ ٹیکس گوشوارے آسان بنانے کی تیاری بھی جاری ہے، کمرشل صارفین کیلئے ایک صفحے پر 4 لائنز کا ٹیکس گوشوارہ تیار کیا جا رہا ہے۔
پوائنٹ آف سیل مشینوں کا دائرہ کار بڑھانے کا فیصلہ کیا گیا ہے ، اس سلسلے میں پوائنٹ آف سیل کی نئی اور اسمارٹ گیجٹ بنانے کی بھی تیاری کی جارہی ہے۔
ذرائع نے بتایا کہ آل پاکستان انجمن تاجران کے وفد کی وزیر خزانہ اسحاق ڈار سے ملاقات کی ، نعیم میر نے کہا کہ وزیرخزانہ کو تاجروں کے مسائل سے آگاہ کیا ہے، پوائنٹ آف سیلز رقبے کی بنیاد پر لگنا چاہئے۔
ذرائع کے مطابق سیلز ٹیکس کے نان رجسٹرڈ پہلے ہی 3 فیصد اضافی ٹیکس دیتے ہیں اور کاروباری طبقہ 236 ایچ کے تحت پہلے ہی ٹیکس جمع کرا رہا ہے۔
