اسلام آباد: ایف آئی اے نے ممبر آپریشن ایف بی آر میر بادشاہ وزیر کو ٹیکس ریفنڈز کیس میں ذاتی حیثیت میں طلب کر لیا۔
تفصیلات کے مطابق کروڑوں روپے مالیت کے ٹیکس ریفنڈز اسکینڈل میں ایف آئی اے لاہور کی تحقیقات میں پیش رفت ہوئی ہے، وفاقی تحقیقاتی ایجنسی نے میر بادشاہ کو ذاتی حیثیت میں طلب کر لیا ہے۔
ایف آئی اے لاہور نے میر بادشاہ سے ایل ٹی او لاہور کی جانب سے 5 سال میں ریفنڈز کی ادائیگی کا ریکارڈ بھی طلب کر رکھا ہے۔
ذرائع کے مطابق ممبر ایف بی آر ذاتی طور پر ایف آئی اے کی تحقیقاتی ٹیم کے سامنے جمعہ کو پیش نہیں ہوئے، میر بادشاہ خان نے اینٹی منی لانڈرنگ سرکل ایف آئی اے میں اپنا تحریری جواب جمع کرایا ہے۔
ذرائع نے بتایا کہ ایف آئی اے نے فوکل پرسن ایف بی آر کو ایف بی آر ممبر (آپریشنز) سمیت طلب کیے گئے اہلکاروں کی حاضری آئندہ تاریخ پر یقینی بنانے کی ہدایت کر دی ہے۔
