لاس اینجلس : نامورامریکی گلوکارہ اورنغمہ نگار ٹیلرسوئفٹ 2016 کی سب سے زیادہ معاوضہ لینے والی فنکارہ قرار پائی ہیں۔
تفصیلات کےمطابق امریکی میگزین فوربزنے رواں سال سب سے زیادہ معاوضہ لینے والے فنکاروں کی فہرست جاری کی جس کے مطابق ٹیلرسوئفٹ نےرواں سال 17کروڑڈالرزکمائے ہیں۔
امریکی میگزین فوربزکی فہرست میں دوسرے نمبر پر برطانوی بوائے بینڈون ڈائریکشن رہاجس نے رواں سال گیارہ کروڑ ڈالرز کمائے۔
فوربزمیگزین کے مطابق برطانوی نامورگلوکارہ ادیلےساڑھے آٹھ کروڑڈالرز کے ساتھ تیسری پوزیشن پر رہیں۔
اس فہرست کےدیگر پاپ اسٹارز میں چوتھےنمبر پر میڈونا رہیں جنہوں نے اس سال سات کروڑ 65لاکھ ڈالرزکمائے۔
یاد رہے کہ گزشتہ سال امریکی میگزین فوربزکے مطابق امریکی گلوکارہ کیٹی پیری سب سے زیادہ معاوضہ لینے والی گلوکارہ قرار پائی تھیں جبکہ گلوکارہ ٹیلر سوئفٹ دوسرے نمبر پر تھیں۔
واضح رہےامریکی گلوکارہ کیٹی پیری نے گزشتہ برس اپنی آواز کا جادو جگاتے ہوئےساڑھے تیرہ کروڑ ڈالر کمائے جبکہ دوسرے نمبر پرآنے والی گلوکارہ ٹیلر سوئفٹ نے آٹھ کروڑ ڈالر کمائے تھے۔
