The news is by your side.

Advertisement

روہنگیا مہاجرین سے اظہار یکجہتی، اردگان کی اہلیہ بنگلہ دیش پہنچ گئیں

ڈھاکا: رجب طیب اردگان کی اہلیہ آمنہ اردگان بنگلہ روہنگیا کے مسلمانوں سے اظہار یکجہتی  کے لیے بنگلہ دیش پہنچ گئیں اور انہوں نے مہاجرین کے ساتھ دن گزارا۔

تفصیلات کے مطابق برمی حکومت کے مظالم کا نشانہ بننے والے روہنگیا کے مسلمان خاندانوں نے جان بچانے کے لیے بنگلہ دیش کا رُخ کیا تو حسینہ واجد نے مہاجرین کے داخلے کو روکنے کی کوشش کی۔

برمی حکومت کے مظالم سے ستائے روہنگیا کے مسلمان بذریعہ کشتی پانی کے ذریعے بنگلہ دیش میں داخل ہورہے ہیں، اطلاعات کے مطابق ایک ہفتے کے دوران 80 ہزار افراد بنگلا دیش پہنچے ہیں۔

بنگال حکومت نے روہنگیا کے مسلمانوں کے اپنے ملک میں داخلے پر پابندی عائد کرتے ہوئے جواز پیش کیا ہے کہ اُن کے پاس مالی وسائل نہیں تاہم ترک صدر رجب طیب اردگان نے بنگال حکومت سے اپیل کی ہے کہ وہ برما سے آنے والے مہاجرین کے لیے اپنے دروازے کھولے اس ضمن میں رہائش، تعلیم سمیت دیگر اخراجات کی مد میں ترک حکومت بنگلا دیش کو امداد دے گی۔

ترک صدر کی اہلیہ آمنہ اردگان اپنے اعلان کے مطابق آج ڈھاکا پہنچیں اور بنگلا دیش منتقل ہونے والے روہنگیا مسلمانوں سے ملاقاتیں کر کے تمام صورتحال کا جائزہ بھی لیا۔

مظلوم مسلمانوں نے ترک صدر کی اہلیہ کو جب اپنے درمیان پایا تو اُن کے چہروں پر اطمینان آیا اور ایک نئی ڈھارس بند گئی کچھ جذبات کے مارے روپڑے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں