لاہور: ڈسٹرکٹ ایجوکیشن اتھارٹی لاہور نے بورڈ امتحانات میں ڈیوٹی نہ کرنے والے 56 اساتذہ کو معطل کر دیا۔
بورڈ امتحانات میں غیر حاضر اساتذہ کے خلاف محکمہ تعلیم نے انکوائری مکمل کر لی جس میں بتایا گیا کہ اساتذہ نے امتحان کے دن فون نمبر بند کر دیے تھے۔
انکوائری رپورٹ کے مطابق جن ٹیچرز سے رابطہ ہوا انہوں نے ڈیوٹی کرنے سے انکار کیا، غیر حاضری سے عملہ کم ہوا اور انتظامی خرابیاں پیدا ہوئیں، نگراں عملے کی غیر حاضری پر فیل ہونے والے طلبا کے امتحان میں مشکلات آئیں۔
- Advertisement -
58 اساتذہ کا بیرون ملک رہ کر ہر ماہ تنخواہ لینے کا انکشاف
ذرائع نے اے آر وائی نیوز کو بتایا کہ عملہ نہ ہونے سے امتحان وقت پر شروع نہ ہو سکے، طلبا کو نقل سے روکنے میں بھی امتحان سنٹرز میں مشکل پیش آئی۔
ڈسٹرکٹ ایجوکیشن اتھارٹی لاہور کے مطابق ٹیچرز کے خلاف پیڈا ایکٹ کے تحت کارروائی ہوگی۔
