کورونا کی نئی قسم ’اومی کرون‘ سے بچاؤ کے لیے دنیا بھر میں ویکسین کی بوسٹر ڈوز لگائی جارہی ہیں لیکن بھارت میں اب بھی لوگ ویکسین لگوانے سے خوفزدہ ہیں۔
بھارتی ریاست مدھیہ پردیش کے ضلع چھتر پور میں رینا نامی 18 سالہ لڑکی کورونا ویکسین سے بچنے کے لیے درخت پر چڑھ گئی جس کی ویڈیو سوشل میڈیا پر وائرل ہوگئی۔
لڑکی کے والدین اسے پکڑنے کے لیے بھاگے لیکن اس سے پہلے کہ وہ اسے پکڑتے وہ درخت پر چڑھ گئی۔
مذکورہ واقعہ بھارتی ریاست مدھیہ پردیش کے چھتر پور ضلع کے گاؤں منکاری میں پیش آیا، لڑکی کی ویڈیو پر سوشل میڈیا صارفین دلچسپ تبصرے کررہے ہیں۔
Madhya Pradesh: Teen girl climbs tree to avoid getting vaccinated in Chhatarpurhttps://t.co/1pC4EjS6cx pic.twitter.com/HSML2rkBeC
— TOI Bhopal (@TOIBhopalNews) January 17, 2022
ویڈیو میں دیکھا جاسکتا ہے کہ ہیلتھ ورکر سرنچ پکڑے کھڑی ہیں اور رینا درخت پر چڑھی ہوئی ہے بعدازاں خاتون ورکر کے سمجھانے کے بعد وہ درخت سے اتر گئی، بعدازاں خاتون نے لڑکی کو کورونا ویکسین لگادی۔
واضح رہے کہ بھارت میں اسی طرح کی ویڈیوز اکثر سامنے آتی رہتی ہیں اس سے قبل بھی ایک شخص ویکسین سے بچنے کے لیے گھر کی چھت پر چڑھ گیا تھا۔
