The news is by your side.

ڈرائیور کے نامناسب تبصرے پر لڑکی نے چلتی کار سے چھلانگ لگا دی

شمالی کیرولائنا: امریکا میں ایک لڑکی نے اچانک خوف زدہ ہو کر چلتی کار سے چھلانگ لگا کر جان خطرے میں ڈال دی۔

امریکی میڈیا کے مطابق امریکی ریاست شمالی کیرولائنا میں ایک نو عمر لڑکی کام سے گھر واپسی کے دوران آن لائن ٹیکسی سے اچانک چھلانگ لگا کر شدید زخمی ہو گئی۔

17 سالہ ایزیا باؤڈن نے بتایا کہ ڈرائیور نے پہلے اس کی شکل کے بارے میں نامناسب تبصرہ کیا، اور پھر یہ کہا کہ اگر وہ اتنی کم عمر نہ ہوتی تو وہ اسے ڈیٹ کرتا، اس کے بعد اس نے کئی بار ہوا میں کچھ اسپرے کیا۔

میڈیا سے گفتگو کرتے ہوئے ایزیا باؤڈن نے کہا مجھے لگا کہ شاید آن لائن ٹیکسی سروس ’لفٹ‘ کے ڈرائیور نے نشہ کیا ہے۔

ڈرائیور نے بے شرمی سے کہا تمھارے ساتھ کتنے لڑکوں نے فلرٹ کیا ہوگا؟ باؤڈن نے کہا کہ کسی اجنبی کے ساتھ کار میں جاتے ہوئے میں ہمیشہ پریشان ہوا کرتی ہوں لیکن یہ تو بالکل ہی مختلف معاملہ تھا۔

ایزیا باؤڈن نے بتایا کہ ڈرائیور کی باتیں سن کر ان کی حالت بے حد عجیب ہو گئی تھی، جسم میں عجیب سی لہریں دوڑنے لگیں، ایسا لگ رہا تھا جیسے میں نے نشہ کر لیا ہو، پھر ڈرائیور نے ہوا میں نامعلوم کیمیکل چھڑکا، جس سے مجھے چکر آنے لگے اور گرمی محسوس ہوئی۔

لڑکی نے بتایا کہ میری آنکھیں بند ہونے لگی تھیں، اور میں بے حد ڈر گئی تھی، میرے ذہن میں ایک ہی بات چل رہی تھی کہ میں اس کار میں سو جانے کی بجائے اس سے باہر نکلنا چاہوں گی، اس لیے میں نے دروازہ کھولا اور باہر چھلانگ لگا دی۔

باؤڈن نے کہا کہ چھلانگ لگانے کے بعد ایک لمحے کے لیے اس نے ہوش کھو دیا تھا اور پھر وہ زمین سے ٹکرا گئی، ٹیکسی کے ڈرائیور نے گاڑی روکی اور میرے پاس آ گیا لیکن 911 پر کال اس طرح کی جیسے کوئی راہ گیر ہو، اور پھر چلا گیا۔

رپورٹس کے مطابق ایزیا باؤڈن کو اس حادثے میں معمولی زخم آئے تھے اسپتال میں طبی امداد کے بعد اسے گھر بھیج دیا گیا۔ رائیڈر کمپنی کا کہنا تھا کہ انھوں نے مذکورہ ڈرائیور کو اپنی سروس سے ہٹا دیا ہے۔

Comments

یہ بھی پڑھیں