جنگ میں شدت آنے کے بعد اسرائیلی فوج کی جانب سے دعویٰ کیا جارہا ہے کہ تہران کی فضائی حدود کا مکمل کنٹرول حاصل کرچکے ہیں۔
غیرملکی میڈیا رپوٹس کے مطابق کچھ گھنٹوں قبل اسرائیلی آرمی چیف کا کہنا تھا کہ تہران میں اہداف پر حملے دوبارہ شروع کرنے کیلئے تیار ہیں، ایران کیخلاف مزید حملے آئندہ گھنٹوں میں متوقع ہیں، حملے تہران کی جانب سے جاری خطرات کے ردعمل میں کیے جارہے ہیں۔
اس کے بعد اسرائیلی فوج کے ترجمان نے دعویٰ کیا ہے کہ اسرائیلی طیارے تہران میں آزادانہ کارروائیاں کررہے ہیں، اسرائیلی فضائیہ نے تہران میں 2 گھنٹے سے زائد پروازیں کیں۔
iran israel تمام خبریں
ترجمان اسرائیلی فوج نے ایران پر فضائی حملوں کے حوالے سے مزید کہا کہ یو اے ویز 24 گھنٹے فضا میں موجود ہیں نگرانی اور حملے جاری ہیں۔
ایران کے دارالحکومت تہران میں دفاعی سرنگ کی تعمیر شروع
دوسری جانب ایرانی فورسز کا دعویٰ ہے کہ فضائی دفاعی نظام نے ایک اور اسرائیلی ایف 35 لڑاکا طیارے کو مار گرایا ہے۔
عرب میڈیا نے ایرانی نیوز ایجنسی کا حوالہ دیتے ہوئے کہا کہ اسرائیلی ایف 35 لڑاکا طیارے کو ملک کے مغرب میں گرایا گیا، پائلٹ مبینہ طور پر جیٹ سے باہر نکل گیا لیکن اس کا موجودہ ٹھکانا نامعلوم ہے۔
اسرائیلی فوج کے ترجمان نے ایرانی ذرائع ابلاغ کی طرف سے لڑاکا طیاروں کو مار گرانے کے دعوؤں کی تردید کی گئی ہے۔
ایران میں اسرائیل کیلئے جاسوسی کے الزام میں 5 افراد گرفتار، ایرانی میڈیا
