The news is by your side.

Advertisement

تیزرفتار بس مکان میں گھس گئی

نئی دہلی : بھارت میں تیز رفتار بس بے قابو ہوکر گھر میں جاگھسی، جس کے نتیجے میں چار افراد زخمی ہوگئے۔

تفصیلات کے مطابق یہ خوفناک بس حادثہ بھارتی ریاست تلنگانہ کے ضلع سوریہ پیٹ کے کوداڑ میں گزشتہ روز پیش آیا جب ایک بس تیز رفتاری کے باعث گھر میں جاگھسی۔

مقامی میڈیا ذرائع کا کہنا ہے کہ پرائیویٹ ٹراویلس نامی ایجنسی کی بس راجستھان سے ای پی کے وشکھاپنٹم کی جانب جارہی تھی کہ اچانک بس کنٹرول سے باہر ہوگئی۔

ڈرائیور نے بس کو سنبھالنے کی کوشش کی تاہم بس کا توازن بگڑ چکا تھا جس کے باعث بس 36 مسافروں سمیت مکان میں ٹکراگئی۔

حادثے کے نتیجے میں گھر میں موجود چار افراد زخمی ہوگئے جنہیں ریسکیو اہلکاروں نے فوری طور پر قریبی اسپتال منتقل کیا جبکہ پولیس نے واقعے کا مقدمہ درج کرکے تحقیقات کا آغاز کردیا تاکہ بس کے بے قابو ہونے کا پتہ لگایا جاسکے۔

Comments

یہ بھی پڑھیں