حیدرآباد: بھارتی ریاست تلنگانہ میں بارشوں نے تباہی مچا دی ہے، حیدرآباد میں سیلابی صورت حال میں 4 افراد لا پتا ہو گئے، جب کہ ایک خاتون نالے میں بہہ گئی۔
بھارتی میڈیا کے مطابق تلنگانہ میں شدید بارش چار افراد پانی میں بہہ گئے، حیدرآباد میں بھی ایک خاتون نالے میں بہہ گئی، تلنگانہ کے کئی اضلاع اس وقت شدید بارش سے متاثر ہیں۔
ریاست کے کئی علاقوں میں ندیاں اور ڈیم پانی سے بھر گئے ہیں، ندیوں کا پانی سڑکوں پر ریلے کی صورت بہنے لگا ہے، جس کی وجہ سے ٹریفک کا نظام درہم برہم ہو چکا ہے، اور شہریوں کو شدید مشکلات کا سامنا ہے۔
#HyderabadRains ⚠️⚠️ Hope All Of You Remember My Early Alert ⚠️
Strong Thunderstorms ⚠️ Leading Flashh Floods In #Hyderabad@HiHyderabad @DonitaJose @serish@TelanganaCMO @BrsSabithaIndra https://t.co/3R15jJcZUR pic.twitter.com/MhAcHNt4H7
— Telangana Rains (@TelanganaRains) September 5, 2023
رپورٹس کے مطابق گندھاری منڈل میں گندھاری ندی کے سیلابی پانی میں تین کسان پھنس گئے تھے، جنھیں فائر بریگیڈ عملے اور مقامی لوگوں نے بچایا، جگتیال رورل منڈل کے حیدراپلی ندی میں ماہی گیر ودیا ساگر تیز بہاؤ کی زد پر آ کر بہہ گیا، جسے تلاش نہیں کیا جا سکا، تاہم پولیس تلاش کر رہی ہے۔
حیدرآباد شہر کے علاقے گاندھی نگر میں ایک خاتون بپھر نالے میں بہہ گئی، جس کی تلاش شروع کر دی گئی ہے۔
