بھارت میں تلنگانہ کے سکندرآباد میں ایک انتہائی افسوسناک واقعہ پیش آیا، دو بہنیں ایک ہفتہ تک ماں کی لاش کے ساتھ رہنے پر مجبور ہوگئیں۔
بھارتی میڈیا رپورٹس کے مطابق تلنگانہ میں دونوجوان بہنوں کو ان کی مالی مشکلات کے باعث ایک ہفتے تک ماں کی لاش کے ساتھ رہنا پڑا، حکام نے مداخلت کرکے گھر سے خاتون کی لاش نکال کر آخری رسومات ادا کرائیں۔
رپورٹس کے مطابق واراسی گوڈا کی رہنے والی ایک گھریلو خاتون گزشتہ ہفتے بیماری کے باعث چل بسی تھیں، ان کی بیٹیاں، 25 سالہ راولیکا، جو ایک ساڑھی کی دکان پر کام کرتی ہیں، اور 22 سالہ اشویتا، جو ایک ایونٹ پلانر ہیں، اپنی ماں کی آخری رسومات ادا کرنے کے قابل نہیں تھیں۔
رپورٹس کے مطابق، والد نے 2020 میں تنازعات کے بعد علیحدگی اختیار کرلی تھی، ان کے پاس کوئی مالی مدد نہیں تھی، بہنیں الگ کمرے میں رہیں جبکہ کی والدہ کی لاش دوسرے کمرے میں موجود تھی۔
صورتحال اس وقت سامنے آئی جب پڑوسیوں کو بدبو کا احساس ہوا اور پولیس کو اطلاع دی، اس کے بعد حکام نے جمعہ کو لاش کو پوسٹ مارٹم کے لیے اسپتال منتقل کیا۔
پولیس کی جانب سے مداخلت سے قبل دونوں بہنوں نے اپنی والدہ کی آخری رسومات کے لیے ایک مقامی این جی او سے مدد طلب کی تھی، جس نے بودھن نگر پولیس اسٹیشن کو اطلاع دی۔ پولیس کی ٹیم نے جائے وقوعہ پر پہنچ کر مزید تفتیش شروع کردی ہے۔
دھند کے باعث کار نہر میں جا گری، 10افراد لاپتہ
رپورٹس سے معلوم ہوتا ہے کہ مذکورہ خاندان صرف دو ماہ قبل ہی اس جگہ منتقل ہوا تھا، دونوں بہنوں نے عنبرپیٹ میں ایک رشتہ دار سے مدد کے لیے بھی رابطہ کیا تھا، مگر انھوں نے ان کی کال کا جواب نہیں دیا تھا۔
