جنوبی افریقا نے پاکستان کے خلاف مضبوط ون ڈے اسکواڈ کا اعلان کردیا۔
جنوبی افریقا نے پاکستان کے خلاف تین میچوں پر مشتمل ون ڈے سیریز کے لیے اسکواڈ کا اعلان کیا ہے جس میں ٹیمبا باوما کی بطور کپتان واپسی ہوئی ہے۔
ٹی 20 سیریز میں آرام کے بعد اسٹار کھلاڑیوں کی ون ڈے سیریز میں واپسی ہوگی۔
کاگیسو ربادا، مارکو جانسن، ایڈإ مارکرم ٹیم میں شامل ہیں، ہینرک کلاسن، تبریز شمسی، کیشو مہاراج، ڈیوڈ ملیر اور کرسٹن اسٹبس بھی ون ڈے سیریز میں ایکشن میں دکھائیں دیں گے۔
واضح رہے کہ پاکستان اور جنوبی افریقا کے درمیان ٹی 20 سیریز کھیلی جارہی ہے اور دوسرے ٹی 20 کے لیے گرین شرٹس سنچورین پہنچ گئے ہیں۔
میزبان ٹیم نے گرین شرٹس کو ڈربن میں پہلے گئے پہلے ٹی ٹوئنٹی میں گیارہ رنز سے ہرا کر تین میچوں کی سیریز میں ایک صفر کی برتری حاصل کی تھی۔
سیریز کا دوسرا میچ کل سنچورین میں پاکستانی وقت کے مطابق رات 9 بجے شروع ہوگا۔ سنچورین پاکستان کے لیے اب تک خوش قسمت جب کہ جنوبی افریقہ کے لیے بدقسمت میدان ثابت ہوا ہے۔
اس میدان میں گرین شرٹس نے اب تک چار میچز کھیلے ہیں اور تمام میچز جیت رکھے ہیں۔
