دبئی: ٹی ٹوئنٹی کے اہم ترین میچ میں جنوبی افریقا نے ٹاس جیت کر پہلے بولنگ کا فیصلہ کیا ہے۔
تفصیلات کے مطابق دبئی کرکٹ اسٹیڈیم میں کھیلے جارہے ٹی ٹوئنٹی ورلڈ کپ کے اہم ترین میچ میں جنوبی افریقا نے ٹاس جیت کر ویسٹ انڈیز کو بیٹنگ کی دعوت دی ہے۔
دونوں ٹیمیں اپنا پہلا میچ ہار چکی ہیں، جنوبی افریقا کو آسٹریلیا کے ہاتھوں پانچ وکٹوں سے شکست ہوئی تھی جبکہ ویسٹ انڈیز کو انگلینڈ نے چھ وکٹوں سے ہرایا تھا۔
آج کے میچ کے لئے جنوبی افریقا نے ٹیم میں ایک تبدیلی کی ہے، تجربہ کار کوئنٹن ڈی کوک کی جگہ رضا ہینڈرکس کو ٹیم میں شامل کیا ہے۔
جنوبی افریقا کی فائنل الیون
ٹیمبا بووما(کپتان)، رضا ہینڈرکس، راسی وین ڈیر ڈوسن، ایڈن مارکرم، ہینرک کلاسن، ڈیوڈ ملر، ڈوین پریٹوریس، کیشو مہاراج، کیگسو ربادا، اینریچ نورٹجے اور تبریز شمسی
ویسٹ انڈیز ٹیم
لنڈی سمینز، ایون لیوس، کرس گیل، شمرون ہٹمائر، نکولس پورن، کیون پولارڈ (کپتان)، ایندرے رسل، ڈیون براوو، عقیل حسین، ہائیڈن والش اور روی رام پال
