امریکا میں ٹی وی رپورٹر اپنی دوست نیوز اینکر کو منگنی کی انگوٹھی پہنانے کی غرض سے اسٹوڈیو پہنچ گیا، جسے دیکھ کر نیوز اینکر حیران رہ گئیں۔
بین الاقوامی خبر رساں ادارے کی رپورٹ کے مطابق خاتون اینکر کو ان کا بوائے فرینڈ ایسے وقت میں منگنی کی انگوٹھی پہنانے کے لئے پہنچا جب وہ اسٹوڈیو میں ایک کلپ کی ریکارڈ نگ میں مصروف تھیں، خاتون یہ تما م ماجرا دیکھ کر حیران رہ گئیں۔
خاتون اینکر نے اس حوالے سے برطانوی میڈیا سے بات کرتے ہوئے کہا کہ ہفتے کا دن ہم دونوں کی زندگی کا بہترین دن تھا اور ہم اپنی باقی زندگی ایک ساتھ گزارنے کے لیے پُرجوش ہیں۔ اُنہوں نے کہا کہ ہم سب کے بے حد مشکور ہیں جنہوں نے ہمارے ساتھ محبت اور تعاون کا اظہار کیا۔
بین الاقوامی میڈیا رپورٹس کے مطابق رپورٹر، کورنیلیا نکلسن کا منگیتر ہے اور دونوں کی 2020ء میں ریاست مونٹانا میں صحافتی ڈیوٹی کے دوران ملاقات ہوئی تھی،جس کے بعد دونوں میں دوستی ہوگئی تھی۔
