The news is by your side.

Advertisement

مداح کا دورانِ میچ ماریہ شراپوا کو شادی کی پیشکش، خوبصورت ٹینس اسٹارکا حیران کن جواب

شادی کے لیے جیون ساتھی کا انتخاب کسی خاص لمحے اور کسی مخصوص انداز کا محتاج نہیں ہوتا دنیا بھر میں شادی کے خواہش مند افراد منفرد انداز اپنا کر اس یادگار لمحے کو یاد گار ترین بنا دیتے ہیں.

ایساہی ایک دلچسپ لمحہ اس وقت دیکھنے میں آیا جب خوبرو ٹینس اسٹار ماریہ شراپوا کو دوران میچ تماشائی نے شادی کی پیشکش کر دی اور اس سے بھی دلچسپ بات معروف خاتون کھلاڑی کا دل آویز انداز میں جواب دینا ہے.

تماشائی کی جانب سے مجھ سے شادی کروگی ؟ کے غیر متوقع لیکن دلچسپ سوال پر خوبصورت ٹینس اسٹار ماریہ شراپوا نے پُر اعتماد انداز میں تماشائی کو جواب دے کر سب کو حیران کردیا.

ٹینس اسٹار ماریہ شراپوا نے انتہائی خوبصورت انداز میں اپنے سر کو ہلاتے ہو ئے اثبات میں جواب دیا کہ … ہاں شاید ۔۔ اور ایسے یادگار لمحے کو کمیرے کی آنکھ نے محفوظ کرلیا.

خیال رہے کہ 2012 میں روسی اسٹار ایسی ایک اور پیشکش کو ٹھکرا چکی ہیں جس سے لگتا ہے کہ اس بار مداح کی لاٹری نکل آئی ہے تاہم بعد میں عقدہ کھلا کہ کھلاڑی نے بہ طور مزاح جواب دیا تھا.

یاد رہے کہ میچ کے دوران خاتون کھلاڑیوں کو شادی کی پیشکش کا یہ انوکھا واقعہ نہیں اس سے قبل بھی معروف ٹینس اسٹار اسٹیفی گراف کو بھی شادی کی پیشکش کی تھی جس پر انہوں نے پوچھا تھا کہ کتنا پیسہ ہے تمہارے پاس ؟ اور اس برجستہ جواب سے سب ہی محظوظ ہوئے تھے.

Print Friendly, PDF & Email

Comments

comments

یہ بھی پڑھیں